أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
انا في النمسا الحين بصراحة الخليجيين كثيرين هنا ماشاءالله وماخذين راحتهم على الاخر عبايات وبعضهم مغطين وجوههم بس جميع الخليجات اللي هنا وللة الحمد محجبات اللي شفتهم ,,, فية خليجيين كشخات يعني بثيابهم وغترهم وعقلهم والله وناسة يوم شفتهم,,, خذي راحتك على الاخر ما في احد من الالاف اللي هنا لفت النظر
هلا حبيبتي عادي لاتشلين هم العباه اصلا الاجانب تعودو على اهل الخليج وفي حالهم مالهم خص في لبس حد
في اوروبا بتشوفين وايد لابسات عبايا الكتف مع اسكارفات ملونه ووايد بعبايا الراس مع نقابات يعني الوضع طبيعي جدا
وفي بعض البنات ملابس ملونه قمصان وتنانير واسعه ومحتشمه مع اسكارفات(شيل ملونه)
لاتشلين هم البسي اللبس المحتشم المريح والواسع واهم شي الحجاب ولاعليج من حد
ورحله موفقه حبيبتي
اوه لا تحاتين اختي هناك روحي وارتاحي كل الخليجيات لابسات عبايه يعني تقريبا 80% لابسات عبايه .. لا هب بس عبايه لابسات نقاب بعد وخمار يعني لا تاحتي لو تلبسين عباة راس ولا كتف عادي ...لاني انا توني يايه من النمسا وهذا اللي شفته
عزيزتي لا تقلقي و لا ينشغل بالك النمسا فيها نسبة كبيرة من المحجبات بالأساس من الجاليات العربية و التركية وحاليا الأخوات العرب كلهون بالعبايات و غطاء الرئس العادي كما في بلادهم و أيضا يوجد نسبة كبيرة من المنقبات .. مرة ثانية لا تقلقي و تمتعي بأجازة ممتعة
عادي جدا انا مسافرة ثلاث سنوات على التوالي منقبة والسنة هذي ان شاء الله بسافر وبنقابي
ايش رايك نسوي قروب منقبات خ خليني اشوفك هناك
تسافرين وترجعين بالسلامة
عبايه على الكتف ، وعلى الراس حجاب ملون او الشيله حقتك
الوضع عادي خذي راحتك في البس