يغيت أستفسر منكم وياليت بسرعه
هل عندنا مكتب بقطر ممكن يساعدني في الإستماره لفيزا أمريكا؟؟
وسؤال ثاني إذا كان الشخص مرافق ( كمحرم) أيش ممكن يقدم للسفاره ؟؟
وتسلمون على تعاونكم [/QUOTE
اخوي شو قصدك بالاستمارة هل تعني به نموذج طلب الفيزا
ds160)
لا لايوجد للأسف مكتب أو جهة يساعد على تعبئة الطلب
اعتمد على نفسك و اذاكانت لغتك الانجليزية ضعيفة شوف لك أحد يساعدك
الله يعينك
اما بخصوص فيزة للمحرم يقدم طلب للفيزا عادي مثله مثل اي سائح

تسلم الشيخ على ردك وعن الاستماره اي نعم اقصد النموذج
‏(يعني مافي مكتب ممكن يساعدني مثل الشنغن)
وعن المرافق يعني ياخوي مافي داعي يقدم انه مرافق ولا عادي يطلعها مثل اي سائح
ومشكور الغالي تعبتك معاي

اخوي اذا بخصوص الترجمه روح الله لايهينك حدى مكاتب الترجمه في فريج بن عمران بتلقى غايتك وامورك بتتسهل , سابقا سويتها من 4 سنوات ورحت لاحد المكاتب وترجموها لي وضبط الوضع

stranger man
اخوي هذي مكاتب للترجمة فقط و لكنها ما تساعدك في طباعة الابلكيشن
اللي لازم ان ينطبع باللغة الانجليزية و مباشرة على موقع السفارة

اخواني تسلمون على ردودكم
مب مشكله ياخوي أي مكان الواحد بيروح لكن الواحد يبغي يضمن انه يمليه عدل بس

alderhim
عارف اخوي انها للترجمه بس في مكتب هناك عملي الابلكيشن كامل .. طبعا كنت موجود معاه لما عبىء الابلكيشن عشان في اسئله كانت تتعلق بالسكن ومعلوماتي الشخصيه , وعملي كل الخطوات الاخرى من اخذ موعد وطبعه لي وسلمني اياه , واعرف ناس كثار عملو هالخطوه خصوصا اللي رايحين علاج لان مثلك عارف مب كل حد يعرف انجليزي فالبلاد ..
بخصوص المرافق في طلب خاص لهم بالابلكيشن القديم اما الجديد حسب ماسمعت ان صار موحد فا يرجى استفسار من السفارة

stranger man
اخوي ممكن اسم المكتب!!!

هم دفين
اخوي , روح مكتب الأندلس (جنب مكتبة الجامعة) وهو بيطبع لك الطلب ب65 ريال , بس خذ معاك الجواز وصورة شخصية (صورة خاصة للتأشيرة وبمقاس معين ) والعنوان في امريكا وبعدها روح البنك التجاري ومعك الجواز وأدفع رسوم التأشيرة وهي 479 ريال ...
وان شاء الله الأمور تضبط معاك ....