السلام عليكم
كيفكم ان شاء الله بخير
بكتب لكم تقرير بسيط عن رحلتي
اقلعت من مطار الرياض يوم الجمعه 1082007 الساعه 2:30 صباحا على الخطوط السعوديه
الحقيقه انا استغرب خدمات الخطوط ممتازة ولا توقعت انها متغيره مدري هل عشان الرحله لاوربا او لا
المهمه وصلت لندن الساعه 7 صباحا كنت متوقع الجو برد
دخلت الجوازات والحقيقه معامله جدا رائعه وصلت لموظفه ناظرت جوازي قالت وش عندك قلت دراسه وين بتدرس وش بتدرس المهم طق طق ختم الدخول
لا اشعه ولا وين قبولك ولا شي
طبعا كان بأستقبالي السواق الي عطاني رقمه الكويتي الله يجازه خير
اسمه خالد
طلعت والا هو ينتظرني
والله نركب سيارة فان حلو جديد
وننطلق للفندق اسمه milennuiem hotel
والله ماتوقعته كذا لانه اربع نجوم لكن الحقيقه اعطيه 5*
لان سعره رخيص مقارنه مع باقي الفنادق فئه 4*
بتقولون كم سعرة بقولكم 760 ريال الليله جدا رخيصه بصراحه وماهو بعيد عن الملحقيه
المهم دخلت الفندق وشيكت الدخول
وبعدها رحنا للملحقيه
الحقيقه رهييبن و حبيبين
المهم قعدت تقريبا ساعه وحسيت ان جلست السواق مالها داعي خصوصا ان باقي اشياء ماخصتها من بنك وغيره
رحت لمه وقلت له خلاص كم حسابك
الحقيقه ان الرجال قنوع
يعني تخيلوا قبل اجي بيووم كلمته يروح يشوف اسعار الفنادق
وجا اخذني للفندق وبعدها للملحقيه وجلسته ساعه
المهم قال انت عطني الي تبي قلت لا حقك كم المهم اخذا فقط 50 باوند
المهم بعد ماخلصت من الملحقيه طلعت الفندق وبدا التمشي
لكن بصراحه الجو حر ماهو برد زي ماتوقعت
لكن اخوان العرب ياكثرهم كثراه ما شاء الله بكل مكان تلقى عربي
هذا اي عندي والف شكر لكم لاني استفدت كثير من الموقع هنا
تحياتي لكم