كمل اخوي سالم
والله يعينك على تذكر الأحداث اللي من 2004
وخلينا نشوف شو صار مع ابو نواف

متابعين ومنتظرين باقي التقرير.

أشكر جميع الأخوان والأخوات على المرور ويشرفني قراءتكم للموضوع وأن شاء الله قريباً التكملة والجاي أحلى وعلى قول أخوي الإرشادي الله يعنني على تذكر الأحداث من عام 2004 ولكن أن شاء الله ما راح تخونني الذاكرة .

1. أكمل الرحلة

أكمل الرحلة

أقول بعد ما وصلنا للمطار وإلا أبو نواف ما هو على بعضه تقول بيطير ما دري هو من الفرحه وإلا الخوف
عموما رحنا للكاونتر وسحبنا البوردنق باص وإتجهنا للدخول للصالة الداخلية وقفنا طابور للتفتيش مر ابو أحمد ثم أنا بعد ما ا نتهينا سحبنا اغرضنا وتقدمنا على ابو نواف لانه اتأخر شوي كان قبله أثنين بيننا وبينه ،
عموماً وانتظرنا وإلا أبو نواف تأخر تركنا اغرضنا عند مقاعدنا ورجعنا لم التفتيش إلا و أبو نواف متناشب مع العسكري حق الجوازات .
والله ذي البلشه وش فيه يا ابو نواف ما في شي العسكري يقول لي كل شوي فسخ شي اول مره الساعة والثانية الله يكرمكم الجزمة وهذا المرة يقول فسخ حزام البنطلون والله العالم وش بعد الحزام ماني مفسخ الحازم قلنا له يا خوي فسخ الحازم ولا تنشبنا هذي التعليمات كذا والله الشرها ماهي بعليك على الي مطلعك رحلة دولية وإلا أنت حدك بحره ( منطقة بين مكة وجدة ) .
عموماً بعد ما انتهينا من ها المشكلة وإتجهنا لكراسينا ما طولنا شوي وإلا المنادي يقول على المتجهين للقاهرة التوجه للبوابة رقم 3 على ما أتذكر ، توجهنا وركبنا الطائرة ومن حسن حظي وإلا سوء حظي أن الكرسي حقي جاء في النص ، الكرسي الي يميني بجوار الشباك ابو أحمد و ابو نواف في الطرف جهة الممر وعلى العادة جالسين نسولف انا و ابو أحمد وابو نواف ولا كلمة غير هاتك يا تسبيح وتهليل وإستغفار تقول بيموت في ساعاتها وإلا والموظيفة معدية من جمبه فقالها ممكن حب للدوخه لو سمحتي فتبسمت وقالت عفوا مافي شي اسمه حبه للدوخه اش فيك شاعر بشي قالها وأش الي ماني بشاعره طيب ممكن كاس ماء راحت وجابت الماء وقالت له وش فيك خايف لا تخاف الطيارة مش راح تطيح وهي ما قالت كذا وإلا ابو نواف قالها زيدتيني شوق ورجع على حاله
حبينا نهدي من خوفه فقلنا له يا ابونواف نفرض ان الطائرة طاحت فينا وش بيصير هذا مقدر ومكتوب وكلنا بنموت وممكن ما يسير لنا شي ونطلع سالمين ، فقال وبصوت خافت تنكت انت وجهك على العموم المفاهمة لما نوصل لمطار القاهرة فقاله ابو احمد ردد يا لليل ماطولك بعدها سكت ابو نواف ولا كلمة إلى ما وصلنا لمطار القاهرة .
الحلقة القادمة
ماذا جرى معنا في مطار القاهرة
ماذا حصل بيننا وبين السمسار بخصوص الشقة
و ماذا رأين في أحد الشقق في القاهرة الله يلطف بعبادة
الحلقة القادمة شيقة قريباً أن شاء الله راح اكتبها
والسلام عليكم ورحمة الله وبركاته

متابعينك طال عمرك ويبدو السفره طلعت ونس مع ابو نواف

salem-jeddah
أعتقد أن الاحداث الحلوه ما تتنسى...
كمل...أنا متابعه معاك