ياليت يا غالي ترسل لي رساله خاصه بمواقعهم على النت عشان اشيك عليهم

الاخ العزيز المايسترو (نور المنتدى)
ارسلت لك رسالة خاصه
مع شكرى وامتناني

ورى ماتحط عنوانهم هنا
مااظن ان المنتدى يرفض هالشيء خصوصا وانه معهد اجنبي في الخارج

مرحبا اخوي ...
والله اللي عرفته منهم هم اول ثلاثه وكلهم داخلهم
1-pacific
2-wilkinson
3- Excel
اما الثلاثه الباقيه صراحه لا استطيع افتي لك فيها ..
بخصوص هذه المعاهد 1 و2 و3 ... كلها في مربع واحد .. وموقعهم ممتاز جدا ... بخصوص معهد Pacific معهد جيد لكن صغير صراحه .. واذكر مافيه الا جهازين كمبيوتر ...
اللي انصحك فيه بالترتيب هي
1- Excel
2- Wilkinson
( بين المعهدين يمكن 20 متر )

1. المايسترو

المايسترو

والله ياخوي المايستروو، ماشاء الله عليك ما خليت أحد ما دليته على معهد Excel، حتى هم بعد حاطين لك كم صورة و إنت لابس الشماغ عند البوابة الخارجية، كنت أشوفها دايما لما أنتظر طلبي من السيدة الصينية اللي تسوي سمك مقلي و بطاطس و محلها عند هذا المعهد بالتمام
تصدق عاد، قابلت واحد سعودي بالصدفة في شارع كولمبو في كرايست شيرش و ما أدري شلون فتح موضوع منتدىالمسافرون العرب، قلت له بس: أنا عضو فيه . . و لقبي هو "شارع التحلية "، إنت وش لقبك يالحبيب ؟ : قال لقبي هو: ؟ ؟ ؟ ؟ !! ما نيب قايل لكم
المهم الرجال درس في معهد Wilkinson، و هو يمدح فيه معلمة نيوزلندية، بس متضايق من كثرة الجنسيات الآسيوية !!
بصراحة زرت هذا المعهد في غير وقت دوام و لقيت المبنى صغير حيل، بس موقعه رائع جدا . .
و كل مواقع المعاهد اللي في سيتي سنتر رائعة لأنها في ( السيتي سنتر )، أما معهدي اللي أنا درست فيه فهو غالي شوي، و راح يزيد 30 دولار نيوزلندي مع بداية 2006 ليكون السعر للفل تايم ب 330 دولار في الأسبوع !!!!! ، لأنهم كما أخبروني إنهم يحصلون على شهادات إعتماد و إعتراف من الجهات التعليمية المختلفة .
إن جاز لك السعر يالزميل فأرسل لي رسالة على الخاص لأخصك بموقع المعهد على الإنترنت .
و على دروب الخير نلتقي ،،،

اخوي شارع التحلية
ممكن اسم المعهد الي درست فيه لو سمحت

شارع التحلية
والله يا اخوي مو دعايه لمعهد اكسل ولا شي ... ولوني متفق معهم قبل على مبلغ معين كان احسن لي بس درست فيه واعجبني صراحه ... تحس انك في عائله واحد في بيت صغير ... ( ستار اكاديمي ) ....
اجل حطو صورتي عند حق السمك ؟؟ على فكره حق السمك هذا طلبت منه مره هبرجر ... جلست يومين ما اطلع من البيت ... مريض :112:

الاخ back street
هذي روابط المعاهد اذا كانت الادارة ماعندها مانع
1-PACIFIC
http://www.english-language.school.nz/
2-WILKINSON
http://www.welslanguageschool.com/coursese.html
3- EXCEL
http://www.excelenglish.school.nz/
4- elim
http://www.elimenglish.co.nz
5-LinGuis
http://www.linguis.ac.nz/
6- INTERNATION
COLLEGE
http://www.english-nz.ac.nz
تحياتي

الاخ العزيز المايسترو
لك مني الف شكر على ماتبذله
تحياتي