وينكم تكفون ساعدوني والله ماسجلت بهالمنتدى الا لما شفت التعاون بينكم
واوعدكم اذا رجعت من السفر اعطيكم تقرير بالتفصيل الممل عن كل كبيره وصغيره
تكفون ساعدوني بليز
داخله على الله ثم عليكم
يلا وروني ردودكم بعد مادخلت على الله ثم عليكم

اخوي ابشر بالردود
بس ياريت وضعت استفسارك بقسمة الصحيح عالعموم راح انقل الموضوع وراجع لك
بس يهم بالموضوع وضع الميزانية المتوقعة ووقت السفر

مشكور اخوي ياليت تفيدني
والسفر مبدئيا من 2 رمضان ل 5 شوال والميزانية بحدود 50 الف ريال الى 55 الف ريال
ماتتعدى هالحدود
ومشكور

ترى موعد السفر مبدئي يعني يمكن يكون من 25 رمضان ل 30 شوال
وبنفس الميزانية
يعني لحد الحين فيه موعدين للسفر واتمنى تفيدني بهالموضوع الله يعافيك

ممكن افيدك بايطاليا فقطروما يومين فلورنس يوم بيزا يوم بجنبكم جنوه يمكن يوم كمان بعده الى مدينة العشاق مدينة روميو وجولييت يوم كمان بعدها فينيسيا يوم منها تقدرون تطلعون الى النمسا قريبة جدا

أمس جاي من رحلة اوربا لا لا لا لا تروح ايطاليا ليست آآآمنه انسرقت فيها عينك عينك ولا احد يمكن يفزعلك وابعد عن العرب الموجودين في اوربا لاكن أجمل ما فيها التسوق في الاوتلت اسمه (سرفالي) يخبل واسعار خيالية حق الذي يحب الماركات .......

مرحبا اختي انا زرت كل الدول اللي ذكرتيها ولازم اكتبلك كتاب كامل ههه اول شي الوقت اللي راح تروحين فيه بيكون برد في اوروبا و مطر اوروبا مو نفس بردنا يوم كنت في باريس نزل علينا مطر و نطرت ساعتين داخل المحل لي مايخف المطر وطلعت جري لي اقرب تاكسي هالكلام كان في نهاية 8 بداية شهر 9 بس الديرة وايد حلوة بالنسبة لايطاليا كنت فيها شهر 11 والله ان 3 ايام ماوقف المطر الا فاليوم الرابع بس الجو كان حلو اما بالنسبة للتنقل ماانصح انك تروحين اثكر من دولتين او ثلاث لان نظام الطيران الداخلي ياخذون فلوس على كل شنطة ونصيحة انك تدفعين سعر الشنط بالنت لان الفرق 50 والشنطة المسموح فيها 4 في 4 يعني صغيرة وانتي بتتسوقين طبعا فلازم تخلين ايطاليا آخر محطة في برلين كانت درجة الحرارة سالب اربعة و توصل سالب عشرة بس اتوقع في الوقت اللي بتروحينه الجو حلو و الميزانية كافية بس بتتعبين في التنقل وبخصوص السيارة يصير تاخذينها من اي مطار و ترجعينها في اي مطار بس البنزين غالي مرة اذا السيارة 4 سلندر تقريبا تشحنينها ب 500 ريال واغلب الفنادق ياخذون رسوم الموقف ويكون عليها ضريبة يعني كلش مانصح فيها
نصيحتي لك انك تقسمين السفرة لسفرتين او تاخذين تذكرة اذا انتي سعودية السعودية باريس ميلان او روما السعودية و تاخذين طيران داخلي من باريس لي ايطاليا وماعليك من الكلام ان ايطاليا خطرة كلش لا بس الشعب مو متعاون في ميلان يعني لو حبيتي تسالين اي احد ماراح يوقف لك او راح يدليك غلط و اغلبهم مصريين و مغاربة و فالليل مافيها شي الديرة ميتة مانصح فيها الا للتسوق اما روما لا الشعب متعاون لي اخر درجة بس فالليل بعد مافيها شي و اسبانيا اذا ناوية تروحين لاتروحين برشلونة مافيها شي روحي فلانسيا احلى منطقة وبعدها مدريد انا ذكرتلك الموضوع باختصار اذا صج معزمة تروحين خبريني و انا راح اقوم بالواجب و اسويلك الجدول و اخبرك كل منطقة كم يوم تحتاج و كل شي ان شاء الله بس نصيحتي لك اختصري الرحلة وبدال ماتسافرين مرة سافري مرتين بنفس الميزانية و الفيزا راح تحصلينها 6 شهور يعني لاتحاتين

AL-JABRI
اخوي الغالي
لاحظت عليك كل استفسار وانت طاير على خلق الله
وعرف كل اللى بالمنتدى انك انسرقت
اخوي مو انت اول واحد ينسرق
السرقات بكل محل بالعالم
والكثير سافرو وماانسرقو
ممكن تصير احيان بس مو دوم
ومو معناتة انسرقت بميلان انت
تجلس تنصح بالعالم انهم لايروحون ايطاليا
العالم هذى مسافرة وكل واحد عارف وش يسوي وكيف يتعامل بمثل هالاماكن
اهم شي لايشيل اي شخص معة مبلغ كبير للطلعة يعني كل يوم ياخذ مصروف جولتة ويوزعة مع اللى مسافر معة
وكمان لايسولف مع من هب ودب وخصوصا" العرب
ولايتاخر بالليل
ولايروح لااماكن مشبوهة
وامورة بتصير تمام
تقبل تحياتي