الله يعطيكم العافية جميعا
هل تعلمون ياخبراء انترلاكن اني بسافر في اخر سبتمبر الى انترلاكن (شهر عسل) واني ماعرف ولا شي بالديره ومتوهق الى اقصى درجة وبديت افكر أهون واخلي شهر العسل في مخيم بالثمامة (امزح),
انا قرأت تقارير بعض الاخوان والله كانت قمة في الروعة ومفيدة جدا بس ماقدرت اسوي برنامج لاني ماقد سافرت اوروبا
سوف اقضي في انترلاكن خمس ايام (اربع ليالي) يعني اليوم الخامس بسافر فيه الى منطقة اخرى.
احتاج (والله محتاج) احد يحط لي برنامج يعني كل يوم وين اروح
(والله محتاج) لاني ماعرف الاماكن الكويسه ولا اعرف الاماكن التي يجب زيارتها في يوم واحد لتقارب مسافاتها.
وعندي سؤالين
السؤال الاول
(بما اني مستاجر سيارة) (من زين الطبايع وزود التوهيقه بس مسوي قوي قدام المدام)
وين القى الاحداثيات الي نزلها الاستاذ الفاضل ابو عزيز؟؟
السؤال الثاني
يقولون فيه اماكن فيها هليكوبترات واماكن فيها طيارات و برشوتات (كلها اقدر اركبها على حسب ماسمعت )تكفون علموني وينها لان ودي اسوي نشاطات غريبه تغير علينا الجو وهل هي تسوى ولا لا
السؤال الثالث
كيف اعرف ان موقف السيارة بفلوس ولا ببلاش
السؤال الرابع
هل يحتاج اصرف فلوس كاش من السعودية قبل السفر ولا يكفي الفيزا وكم اصرف؟
السؤال الخامس
هل تعرفون محل كويس بالرياض يبيع ملابس شتويه مخصصه للثلج (اتوقع بيكون ارخص من سويسرا)
السؤال السادس
اسال الله سبحانه وتعالى ان يوفق الجميع ويسعدهم ويديم علينا وعليكم الصحة والعافية والسعادة في الدنيا والآخره
تكفون الفزعة (اهون عليكم اقضي شهر العسل بمخيم ورى الجنادرية افحط بدباب اربع كفرات) -اكيد ماترضون وبتساعدون اخوكم متوهق جدا -شكرا