ياجماعه الله بالخير
صراحه مثل زي لام سي وكابرون ماشفت ولا راح اشوف لانها من الاحلام وصعب الوصف فيها انا كنت فيها الصيف الفائت والله كنت ساكن في كابرون وماخذ شقه على النهر وتصدقون بس كنت كل ما اقوم الصبح بس اقعد بالبلكون واشوف النهر والجبل والطبيعه بشكل عام ومرات اطق نفسي طراق اقول اصحى يانايم عبالي انا بحلم والله ياجماعه اللي ماراح هناك ماشاف دنيا وطبيعه
عموما مو هذا موضوعي
موضوعي الديره هذي ناقصه شي واحد بس اللحم الحلال مع العلم فيها مطاعم تركيه ويبيعون كباب ومشاوي كامله وبيتزا حلال بس انا اللي اقصده لحم انا اطبخه لاني طحت على الربيان وام العيال غرقتني مربين وماخذ معاي من الكويت مموش وطحناله مموش مربين طبعا هذي اكله كويتيه تذكركم طبعا بحسينوو في درب الزلق لما قال عن المموش عيش وصجم المهم انتم تقولون ليش الطبخ هناك تدرون ليش؟؟؟؟؟ صراحه كأنك رايح كشته من كثر الحدايق على الطريق طبعا غابات وماعندك احد حط جدورك واغرف الاكل واكل والمغسله بجمبك طبعا النهر ما يحتاج لا ماي ولا زوليه
المهم طولتها عليكم واهي قصيره والله لاتلوموني من اللي شفته بعجائب هالديره
انا بسال احد عنده فكره عن لحم او دجاج حلال يبيعونه بالكيلو او الحبه
ومشكورين