لا اعرف من اين ابدا ولا من اين انهي حديثي..فلقد حجزت في بداية مايو الى ايطاليا واقصد اشتريت التذاكر واستخرجت التامين الطبي من التعاونيه..وطلعت كشف حساب6 شهور..وتعريف العمل في جيبي..,و و و..وسافرت الى الرياض من حبيبتي الدمام على امل العوده غدا..والهدف من سفرتي هو الذهاب الى المكتب السياحي اللي اتعامل معه عشان يستخرج لي الفيزا من الايطاليه...وفي الاخير :112: انصدمت...قالوا لي هل اخذت موعد من النت للسفاره الايطاليه؟؟!!كيف ومتى ومن متى هالكلام...قالوا صح النوم وينك انت عايش؟؟ قلت وبعدين؟ قالوا ادخل النت موقع السفاره وخذ موعد وقبل الموعد ب4 او 3 ايام مر علينا بأوراقك والفيزا من ذاك الوقت يبي لها من 10 ايام الى اسبوعين!!!..وفتحت النت ولقيت المفاجأة ان اقرب موعد في 12 مايو.......يا الله يعني كل شي تلخبط والتذكرة سعرها بيطلع فوق واسعار السكن فوق وفوق هذا الجو بيتغير ...ما ادري وش خلاني اكتب هالكلام الان بعد ما فات الفوت...لكن ابيكم تحسون بمعاناة ضابط مكروف وينتظر اجازته السنويه لكي يصدم باجراء السفارات الغريبه
طبعا ما اعتقد انه فيه حل لاني سألتهم بطلع الفيزا من سفاره ثانيه عن طريققكم (اقصد المكتب اللي اتعامل معه) قالوا سلامتك باقي السفارت لازم مقابله يعني طق مشوارك للرياض وخل دوامك وشرفهم