السلام عليكم ورحمة الله وبركاته
اسعد الله اوقاتكم بكل خير
قبل اسبوع حجزت سيارة من موقع بوكينق من ششركة يورب كارز لمدة ثلاثة ايام
وكان مقر الاستلام مطار الملك خالد بالرياض
ولكن للاسف ما كنت مسجل رقم الجوال باستمارة الايجار في الموقع
المهم بعد ما وصلت المطار لا حصلت سيارة ولا مندوب للشركة ولا مقر للشركة بالمطار
وكل ما سألت مكاتب التأجير بالمطار يقولون ما لهم مكتب بالمطار
وبعد محاولات توصلت للرقم الموحد للشركة وبعد ما اتصلت عليهم
كانت المشكلة !!!!!
الا وهي ان الموظف اللي كلمته يقول انا موجود بمانشستر ولا اقدر اسوي لك شي
وافضل حل ابحث عن رقم المندوب اللي بالرياض .
وبعد بحث هنا وهناك توصلت لرقم مكتبهم اللي بالرياض
ولكن بعد ما كلمته قال لي انه ما يملك الحق بتسليم السيارة لي الا اذا وصلته رسالة عالايميل
من الشركة بالشي هذا وانه هو بنفسه بعد ما شاف حجزي للسيارة ارسل ايميل للشركة الساعة الثامنة صباحا يطلب منهم توضيح لوضعي هل انهم يسلموني السيارة والا لا ...
ولحد ما كلمته ما جاه رد من الشركة .
وقال لي افضل حل اني ارسل لهم ايميل من نفس موقع البوكينق .
ولكن بعد ما دخلت على صفحة حجزي في موقع بوكينق حاولت ارسل رسالة للشركة بس ما قدرت
ولا فيه اصلا اي شي يثبت انك تقدر ترسل لهم رسالة حتى لو دخلت على تعديل او الغاء الحجز ما يطلع لك اي امكانية ارسال رسالة للشركة ...
لمن لدية اي خبره او معلومة يتفضل ويوضح لنا وش الحل ؟
وايش افضل طريقة للاستفادة من مبلغ التأجير اللي انخصم لحساب الشركة ؟
دمتم في رعاية الله
ابو جوري