1- والله اذا تبغين احسن احسن فندق , فالمشهور هو الماندرين اوريتنال والذي يتمتع باطلالة خلابة على مانهاتن, بس غالي شوي يعني يبدا من 800 دولار وفوق
http://www.mandarinoriental.com/newyork/
المسافة بين نيويورك وسانفرانسيسكو 5 ساعات تقريبا
من الاماكن الجميلة في سانفرانسيسكو هي جسر البوابة الذهبية وجزيرة الكتراز اللي مثلو فيها الفلم المشهور The Rock
ايضا عندك السكس فلاقز مدينة العاب روعة (مدري اذا تصلح لشهر العسل ولا لا), برضو ممكن تاخذون لكم جولة في قارب (فيري ) روعة تشوفين سان فرانسيسكو من بعيد
لوس انجلس ساعتين عن ساندييقو
من سان دييقو الى فيجاس 5 ساعات تقريبا بالسيارة

شكراً اخوي EAGLE ONE على المعلومات بس ابي اسألك ما قلتي على ترتيب
نيويورك _ سان فرنسيسكو _ لوس انجلس _ سان ديقو _ لاس فيجس
وكم توزيع الايام ؟ عليها ؟

هديل الهلاليه
أولا : زواج مبارك
الترتيب من نيويورك - سان فرانسيسكو
سان فرانسيسكو - لوس انجليس
وأعتبري في تخطيطك ان ساندييقو هي لوس انجليس مايحتاج تغيير السكن
ممكن تزورون ساندييقو الصباح وترجعون المساء
ثم من لوس انجليس - لاس فيقس
تحياتي

شكراً mohammad-usa على افادتك بس ابغى تفيدوني بالنسبه لتوزيع الايام 30 يوم
يعني كم اقعد في نيويورك؟ وكم اقعد في سان فرانسيسكو ؟وكم اقعد في لوس انجلس؟ .
وكم اقعد في سان ديقو ؟ وكم اقعد في لوس انجلس ؟ مع العلم انه لازم اسكن في سان ديقو مالنا خلق روح ورجعه حتى لو قريبه ..

بالنسبه لتوزيع الايام
نيويورك 5 ايام
سان فرانيسيكو 5 ايام
لوس انجلوس 7 او 8 ايام
سان ديقو 4 او 3 ايام
لاس فيجاس 4 ايام اذا تبون تدخلون عروض و 3 ايام اذا ما تبون تشوفون عروض بس تمشيه.
و انصحك لو تزورون بوسطن تبعد 4 ساعات من نيويورك المدينه اعجبتني رايقه وهاديه وحلوه بصراحه و تكفي لها 3 الى 4 ايام.
نيويورك وبالسياره الى بوسطن
بوسطن سان فرانسيكو
سان فرانيسيكو تقدرون تستاجرون سياره منها و تنزلون الى لوس انجلوس عن طريق حلو على المحيط بس عيبه مهوب كبير و مده السواقه فيه تقريبا 8 ساعات و توصل الى 9 ساعات بالزحمه اكثر السواح يفضلون الطريق هذا.
ومن لوس انجلوس الى سان ديقو بالسياره.
ومن سان ديقو الى لاس فيجاس بالسياره.
لاس فيجاس الى نيويورك علشان رحله الرجعه بالطياره.

شكراً fms على افادتك وتعاونك
بصراحه قررت :
نيويورك 3 ليالي
بعدين اطلع بالطياره لسان فرنسيسكو
سان فرنسيسكو 5 ليالي
بعدين نطلع بالطياره الى لوس انجلس
لوس انجلس 11 ليله
بعدين نطلع بالسياره الى سان ديقو
سان ديقو 5 ليالي
بعدين نطلع بالسياره الى لاس فيجس
لاس فيجس 4 ليالي
بعدين نطلع بالطياره على نيويورك
نيويرك ليلتين( يصير نستأجر سياره من لوس انجلس ونسلمها في لاس فيجس )

زواج مبارك هديل
الله يوفقك يارب ويسعدك ويهنيك ويسخركم لبعض يارب
اول شي رحلتك نفس ترتيب رحلتي بالضبط وان شاء الله راح تنبسطين
اول شي حبيبتي حطي ببالك ان نيويورك اول محطه واجلسي فيها 3 ايام لانها راح يكفيها وزياده بس اول يوم يكون علشان ترتاحون بعد الرحله الطويله
بالنسبه لي أحلى فندق في نيويورك هو ماريوت التايم سكوير ((ماريوت ماركيز)) موقعه في وسط التايم سكوير وكل شي جنبك وسعره 305 للغرفه وسعر مناسب بالنسبه لنيويورك
ثاني يوم الصبح خذو رحله سياحيه لكل النهار في نيويورك راح تلف فيكم نيويورك كلها وتتفرجون عليها
او احنا اخذنا سياره ليمو لمده 5 ساعات وكانت احلى لفه والله والشخص ب 100 دولار لفيت فينا نيو يورك كلها
بعد كذا تقدرين تحجزين لك عشا بالليل على سفنيه وتتعشين وراح تكون مره حلوه
اليوم الثالث تلفين الفيفث افنيو وتروحين السنترال بارك وبالليل الواحد يتمشى بالتايم سكوير وراح تنبسطين باذن الله
شي حلو ممكن تروحين له بعد نيويورك شلالات نياقرا بمدينه بفلو تقدرين تاخذين سياره وتطلعين لها الطريق جدا حلو وتباتين فيها ليله صراحه رحله الشلالات ما تتفوت يعني امريكا بكون والشلالات كلها بكون ثاني ويكفيها 3 ساعات بس علشان تعب الطريق تباتين ليله ومن بفلو اطلعي على كاليفورنيا
طبعا رحله كاليفورنيا راح تختلف حسب تخطيطك لو تبغين نصيحتي خلي تنقلاتك كلها بالسياره لان بأمريكا الطريق لوحده متعه
مناظر حلوه وجو حلو وكل كم كيلو استراحات ومطاعم يعني الطريق نفسه تمشيه
سان فرانسيسكو اجلسي فيها 5 ايام مدينه حلوه وجوها رائع من سان فرانسيسكو انزلي على لوس أنجلوس طبعا راح تكون لوس انجلوس أطول محطه
في لوس أنجلوس انصحك تسكنين في الماريوت نيو بورت بيج حلو ومنطقته رايقه وهاديه وموقعه بالنص بين ال أي سيتي وسان ديقو
راح يكون لك ساعه الا ثلث لنص أل أي وساع لسان ديقو
طبعا سان ديقو ما تحتاج ابدا انك تسكنين فيها لان الفندق هذا بالنص وبكذا تستفيدين من الوقت وارح لك من كل يوم تشيلين اغراضك وعفشك وتنتقلين والمسافه ابدا ما تسوى يعني اعتبريهم مدينه وحده احسن لك
لان سان ديقو روحي مره للبيتش حقها حلو وخذي فيري بوت وتمشو وروحو للداون تاون كلها يوم واحد من الصباح لليل وطريق للأوتيل ساعه
هذا لنك فيه اهم الاماكن في لوس انجلوس
https://artravelers.com/p/re/177419
واذا انتي حابه تزورين السي ورلد يبغى لها يوم او سان ديقو زوو برضو يوم مادري اذا انتي بشهر عسل حابه هالأماكن
5يوم تجلسينها في لوس انجلوس وسان ديقو بعدها اطلعي لاس فيجاس اجلسي فيها 4 ايام ومن لاس فيجس الى نيو يورك لمده يومين علشان ترتاحون وطريق الرجعه
اذا تبغين زياده تفاصيل عن اماكن تنزار او شي احنا جاهزين
وتقدرين تقرين تقارير الاعضاء راح تفيدك مره والاماكن اللي اخترتيها احلى مناطق في امريكا وهي اللي تستحق الزياره
وبالتوفيق يارب

هذي روابط راح تفيدك أفادتني كثير في سفرتي
عن لوس أنجلوس
https://artravelers.com/p/re/109320
لكشري ترافيلر رحلتها جدا حلوه ومخطط لها
https://artravelers.com/p/re/80727
ناصر الكويتي في كاليفورنيا
https://artravelers.com/p/re/157150
بدايه رحله impact لنيويورك جدا مفيده وزار كل الأماكن
https://artravelers.com/p/re/146112
بنت الصقور في نيويورك
https://artravelers.com/p/re/72147
هذي أهم التقارير ولو تدورين في التقارير المصوره راح تلاقين تقارير ولا أحلى ولا أروع ولو عرفتي المنطقه كويس وفهمتيها راح تكون سفرتك ولا أروع من خبره الاعضاء
وبالتوفيق وشهر عسل سعيد يارب

اتمنى تعدلون محطه الوصول عن مطار جي اف كي نيويورك لأنهم معقدين خلو الوصول على واشنطن دي سي الامقريشن هناك حبوبين
وبعدها كملو الرحله الى نيويورك واتمنى لكم رحله سعيده