لايفوتكم
.
.
.
.
لايفوتكم معرض العطور الخريفي (في أرض المعارض) بتاريخ 23/10/2008 إلى 1/11/2008
في القاعات رقم (5) (6) (7) وفيه بقاعة (8) معرض الساعات بنفس تاريخ معرض العطور.
وبصراحة فرصة وجود مثل هذي المعارض تكون هناك عروض على بعض العطور وبحكم معرفتي الطويلة في
عالم العطور (مداح نفس يبيله رفسه) ماراح أبخل عليكم بالأتي:
لازم تمرون سيد جنيد لأنه لايوجد له محل في الكويت فقط يشارك في معرض العطور .
وجنيد مشهور بدهن عود ب15 دينار بصراحة ممتاز.
أجمل هو الأجمل في العطور وعليكم بالأتي:
(خلاب ) بصراحة خرافي... سعره 40 دينار
ورد طائفي +دهن عود هندي(نسيت إسمه ) يعرفه البياع مو طبيعي...أعتقد 40 دينار
(مسك) ألي يحبون المسك التوله 4 دنانير.
البخور عند:
الرصاصي.
الدر المنثور يسوي عروض على البخور.
الفودري.
خلطات المفارش:
الفودري عنده مجموعه أعتقد ب10 موطبيعيه.
الود الطائفي:
عند المرشود الربع توله ب 50 دينار موطبيعي.
أجمل عنده ورد طائفي ب 20 خرافي.
وأنا بصراحة مدمن ورد طائفي وما أحب دهن العود بس توني شميت مع واحد من الربع دهن عود عجبني
وطلع شاريه من سيد جنيد ب200ريال فرحت شريته وطلع حلو فبديت أتقبل دهن العود.

• وفيه معلومة ذكرها لي تاجر عطور يقول إن أفضل شي بعد مايتسبح الواحد مايلامس جلدة إلا دهن العود

لأنه بارد على الجسم وفعلا جربته وطلع كلامه صحيح.
وقالي بعد عن شغلة ماأعرفها وهي (المبخرة) وهي شغلة طويلة تتعلق عليها الدشاديش والبشوت قالي
أنه قبل لايتسبح يحط كل ملابسه ألي راح يلبسها كل شي حتى طاقيته وعقاله شيسوي يحط ملابسه
الداخلية وغترته وعقاله وطاقيته ويلبس المدخنه دشداشته يعني تصير الملابس داخل الدشداشة
والدشداشة لابسه (المبخرة) ويشب كسرة بخور وبعدين إذا طلع من الدش يتدهن بدهن عود على
جسمه ويلبس الملابس بعد ماتتبخر الملابس.
ولما تلبس ملابسك شوف عاد شلون تصير ريحتك الكل يسأل عنها تمشي بالممر ريحتك تصلق بالممر و
(المبخرة)
سألت عنها سعرها ب140 عند أمل الكويت لكن فيه هناك مبخرة تأدي الغرض ب20 أو30 إذا حصلتوها
بالمعرض إشتروها لأني دورتها ما حصلتها فرهمت لي وحده شريتها ب9 دنانير وطلعت روعة إلي يبيها بدله
وين يبيعونها

• هذا ألي أعرفه حبيت أقوله لكم ولا أستغني عن المشاركات وإضافة الخبرات.*تقبلوا شكري وحبي وتقديري