1. زوجتي وولدي

السلام عليكم ورحمة الله وبركاته
سويت جدول لرحلتي بس ابي رايكم من ناحية الايام والسكن
انا المنطقه زرتها 9 مرات ايام العزوبيه بس ماطلعت من جاكرتا الا مره وحده رحت لبقور وجللست يوم ورجعت
وهالمره ناوي اروح لها في حدود 20 يوم من تاريخ 9 ذي الحجه الموافق 26 -11-2009 بس برفقة

زوجتي وولدي

ابي اخذ رايكم بهالجدول اللي مسويه وابي اهم شي رايكم عن السكن من ناحية الامان والهدوء والمتعه اهم شي
ورايكم عن الايام اللي تكفي كل مدينه مع العلم اني بستاجر سياره بسواقها من فندق نيروانا في كامبو ملايو عند العجوز الحضرميه اللي مكتبها في مدخل الفندق ( مدري هي موجودة الى الان ولا اختفت ووش رايكم بسواقينها ) يعني ماعندي مشكله بالمواصلات والجدول بيكون
1- جاكرتا لمدة يومين في استون ماريا في انتشول
2- الجبل لمدة 6 أيام في ( منتجع بونشاك باس 3 أيام + منتجع كوتا بونقا 3 أيام )
3- باندوق لمدة 3 أيام والسكن في فندق سوكاجادي sukajadi
4- لمبانق وشيويدي لمدة 4 أيام في منتجع سابو ليدي او تشايتر هايلند مدري اي افضل من ناحية
الهدوء والامان والمتعه ؟؟؟ او اقسمها يومين في سابو ليدي ويومين في تشايتر ؟
5- قاروت لمدة يومين في منتجع كامبونق انا رايح لقاروت عشان هالمنتجع بس مدري اذا منتجع سابو ليدي نفس النظام كنسلت قاروت وش رايكم ؟
6- الرجوع لجاكرتا والمغادره
وش رايكم بالجدول من ناحية السكن ( الهدوء ليلا) والامان ومن ناحية عدد الايام لكل مدينه؟؟
مع العلم اني حاط ميزانيه للسكن والسياره مليون الى مليون وميتين الف يوميا مدري تكفي ولا لا للسكن والسائق بالسياره فقط ؟
تحياتي للجميع وفي انتظار ارائكم مشورتكم
ابو مشعل