malimalk
بسم الله ،،، نفتح الموضوع ونقول على بركة الله :
نبدأ بأم العيال : هناك أسواق غالية الثمن يعني كشخات ، وهي : السيف ، عالي ، الدانة ،،، وكانها تحب الرزة قدام زميلاتها ودها لهالأسواق ، بس هاه حاول تروح وقت غير الليل ، لأن الليل رايح يكون زحمة ، وخصوصا في العيد غير
وكان المدام ماتحب الرزة قنوعة ، فهناك بوابة البحرين قرب ريجنسي فيها من كل شئ تريده ، وكنه البطحاء بالرياض
وفيه سوق المحرق لا بأس به حلويات وعبايات وجلابيات وهلم جرا
وفيه سوق واقف بمدينة حمد حليو ماعليه
خبرني كانه يكفي ولا نزيدك ....
نروح للأطفال : أفضل شئ أتوقع / مملكة الطفل على كورنيش الملك فيصل مدينة ألعاب طبعا حبيبي صغينونة بس حليوة .
وفيه مطاعم إلك وللعائلة المصونة ككل : منها : الأبراج وله فروع عديدة وهو ذو خصوصية للعائلة ، ومثله مرمريز وطهران مقابلات لجيان .
والسينما عندك السيف ، وأنا أفضل الدانة ...
والشاليهات أنا أفضل البندر ، أتوقع مناسبة جدا ، هادئة وسعرها أقل من غيرها
وكان تبي شئ ترانا حاضرين ، بس حبينا نفتح الموضوع لأخوانا البحرينيين أهل البلد وهم أبخص وأعلم وأدرى ...
أخوك :x1:

بالنسبه للسكن اخوي فهناك شقق في منطقة السيف عائليه وفخمه ورائعه ومنها شقق اليت بجانب سوق الدانه .. الجميع يمدحها نظافة واثاثا ..
وبالنسبه للاسواق ماقصر ابواحمد ويكفي السيف والدانه ولكن الله يعينكم على الزحمه بالعيد ..

بالنسبة للسكن عندك منطقة الجفير .. مليئة جداً بالشقق السكنية الرائعة ..
لكن لا تنس تحسب الميزانية كويس العيد دبل ..

بما أن الشباب غطو مشكورين عن أغلب الاماكن السياحية انا راح اضيف " سياحة الجزر "
أذا انت حاب تزور جزيرة حوار فهي روعة وجوها عليل وخاصة في سبتمر واكتوبر (بين البرادين)
وتكلفة الرحلة: مصاريف السفينة + السكن + الاكل ليوم واحد تكلفك في الايام العادية 500 ريال (لشخصين) في ايام العيد تقدر تستفسرعنها من مكتب الحجوزات والسفر الي موجودة في شارع الفاتح قرب مدينة او ملاهي الدولفين(نفس الشارع الي فية متحف البحرين الوطني)
اوه نسينا المتحف متحف البحرين ... مهم انك تزورة
في بعد بلاجات الجزائر اذ انت حاب هذه موجودة بالقرب من مدينة حمد خل حلبة البحرين الدولية للسيارت على يسارك أهي بعدها.
كل عام وانت بخير ورحلة موفقة إن شاء الله تعالى
سلام

أمسي عليكم بالخير ،،، وأضيف كمان : محمية العرين فهي روعة لك ولأطفال وست الحبايب ، إذ أنها هادئة وجميلة ،،، الدخول بدينار للبالغ هع هع وللأطفال نصف دينار ،،، وتأخذون لفة على الباص نصف ساعة تقريبا ، لرؤية بعض الحيوانات والطيور ،،، وهي على الطريق بعد حلبة البحرين وقبل بلاج الجزائر
مغليك