أكيد شكل اللحمة اللي بتبقى معلقة ومش مخزنة في الثلاجة مش ب يخلينا متحمسين أننا نجرب أي أطباق لحمة في القاهرة، بس ممكن تلاقي مطاعم حلوة مش معروفة قوي لكن ب تقدم حاجة حلوة زي المطعم اللي موجود أمام محطة مترو السيدة زينب. لو نجحت في أنك تخرج من متاهات المحطة يبقى لازم تجرب الأكل في «حبايب السيدة».
«حبايب السيدة» ممكن تلاحظه بسهولة علشان ألوان أعمدة الإضاءة اللي على شكل بالونات حمراء وزرقاء، وهو واحد من أحسن أسرار أكل الكباب والكفتة والكبدة في السيدة زينب. الجزء الشمال من واجهة المحل فيها شواية كبيرة ومتعلق عليها نقانق ومجموعة كبيرة من الناس واقفين منتظرين علشان يأخذوا تشكيلة من اللحوم المختلفة معهم البيت. أما في ناحية اليمين هجري تلاقي أماكن قعدات داخل وخارج المطعم في الشارع، في المكانين هجري تلاقي خمس ترابيزات مساحتهم كويسة وكل ترابيزة عليها ملاحة.
كل وجبة ب تبدأ بسلة من العيش ومعها أطباق طحينة صغيرة، بالنسبة للمقبلات طلبنا سلاطة ب 1 جنيه وشوربة ب 1.5 جنيه. السلاطة كانت مكونة من الحاجات الأساسية زي البصل، والخيار، والطماطم مافيهاش حاجة مختلفة بس هي حاجة لطيفة ممكن تسلينا لغاية ما ييجي أطباق اللحمة. الشوربة كانت حلوة وهي عبارة عن مرقة اللحمة كان طعمها حلو وما ملأتش بطننا، يعني كان فيه مكان للأكل.
السبب الوحيد اللي ممكن حد يلاقي نفسه في مطعم" حبايب السيدة " هو السعادة اللي ب تيجي للواحد بعد ما يأكل اللحمة الشهية. هم ب يقدموا مشكل ميكس جريل وإحنا ب ننصحكم به وب يقدم في أربع أحجام وأسعاره من أول 30 إلى 60 جنيه، هجري تلاقي كباب، وكفتة، وممبار، ونيفا ب يقدموه على طبق من الخضرة وعليهم بصل مشوي مقرمش. حط كفتة وبصل مشوي في قطعة عيش وغمسهم في الطحينة والملح وه تحس أنك بقيت في الجنة. طريقة تقديم الأكل عادية بس اللحمة طعمها رائع. كيلو من الكبدة، الكفتة، ممبار، النيفة ولحمة الرأس الضاني ب 60 جنيه، 50 جنيه، 45 جنيه، 80 جنيه وممكن كمان تأخذهم معاك للبيت.
كان فيه تشكيلة كبيرة من ساندويتشات اللحمة من 4 ل 10 جنيه، أما الناس اللي عندهم شجاعة في الأكل ممكن يطلبوا طاجن عكاوي ب 35 جنيه وهو طاجن رائع.
على الرغم أنك مش ه تلاقي أي لحوم أجنبية في «حبايب السيدة» بس هجري تلاقي لحمة حلوة وطعمها حلو وكمان بأسعار معقولة. وبعد كدة ممكن تتمشى لمحل عصائر «الرحماني» المشهور بالسوبيا، أفضل طريقة تنهي بها رحلة الأكل في السيدة.
اسوأ حاجةالجرسون اللي هناك ب يتعصب كل ما أعداد الناس ب تزيد في المطعم.
حبايب السيدة http://www.cairo360.com/arabic/item/venue/11091/125 شارع السد البراني ،أمام محطة مترو السيدة زينب
التليفون : 02-23641455مفتوح :24 ساعة