السلام عليكم ورحمة الله وبركاته
احبابي الغالين بتوفيق من الله قررت السفر لقضاء شهر العسل مع بنت الحلال في ايطاليا وبنفس الوقت لا أبي أحمل نفسي فوق وطاقتها ولا أبي أقلل من الراحه والاستجمام يعني الوسط زين وشيئ يبيض الوجه
أدري طولت عليكم والمطلوب التالي:
وصولي الى روما بتاريخ 19 اكتوبر والعوده من ميلان بتاريخ 29 اكتوبر يعني عشر أيام في ايطاليا
المدن الايطاليه اللي اخترتها بناء على تصفحي للموقع هي:
روما 3 أيام
فلورنس 2 أيام
فينيسيا 2 أيام
ميلان 3 أيام
المطلوب :
1- بالامكان تعديل عدد الأيام حسب خبرتكم فأشيروا علي
2- ياليت تعلموني ايش يهمني بالفندق بمعني قربه من المكان الفلاني عشان يوم أسوي بحث اعرف وش قيمة الفندق وأهميته عندي وانا عاد بأشوف السعر واختار لذلك لاتذكرونلي فنادق وانما ابي اهم المواقع اللي ضروري الفندق يكون قريب منها أو يتميز الفندق بأشياء معينه ، وان كان ولا بد كل واحد يذكرلي اسم فندق واحد لكل مدينه وليس اكثر من فندق يعني بأسوي تصويت وأهم شرط مايكون سعره بالليله اغلى من 200 دولار امريكي وعليكم الحساب
للمعلوميه الغرفه دبل يعني انا والمعزبه مع ان ماعمري حجزت غرفه دبل دايم يوم اطلع مع الشباب انام بسرير بلحالي وضروري الاجابات تكون من واقع تجربه وليس قراءة في الانترنت
آسف عالاطاله