حياك ابو خالد
لو كنت مكانك بستلمها من ميلان وأسلمها في باريس
مع العلم ان فيه رحلات قطار من انترلاكن الى باريس مرورا ب بيرن او بازل .

يعطيك العافيه اخوي سعد القحطاني ...
ماشاء الله عليك متعاون مع الكل في الاستفساراه ان شاء الله نشوفك خبير سويسرا
صراحه انا كان هذا المخطط
الي ابي اعرفه هل الخط ممتع من ميلان الي انترلاكن
ومن انتر لاكن الي باريس
هين باريس الله يخلي الباص الاحمر
الشانز &اللوفر

امامك خيارين
1- تستلم من مطار ميلانو وتسلمها في محطة القطارات في بازل (تظاف ضريبة التسليم بدوله اخرى )
2- تنتهي من ميلانو وتسافر بالقطار الى لوقانو وتستلم السياره من محطة القطار وتكمل رحلتك ثم تسلم السياره في بازل او في جنيف وتركب القطار الى باريس )
الاختيار يعتمد على مقدار التوفير والهدف من ميلانو وخفة الحركه (يعني فيه اطفال او لا )
ملاحظه : الطريق الى باريس طويل ومرهق ومكلف من كثرة رسوم الطرق
على اي حال الخيارات متعدده وتنبني على خطتك الرئيسيه في الرحله

اهلا باخوي المزيد . الموضوع منور بمرورك
المزيد
المزيد ما قصر بمقترحاته
الحين عندك مجموعة خيارات قارن بينها من ناحية الراحة - التوفير- الرغبة عندك بالقيادة. حاول توازن بينهم وانشالله توصل للانسب .

اذا على الطريق بين ميلان ولوقانو وانترلكن
فهو يستحق التجربه بالسياره طريق روعه
اعتبره وان بالغت 30% من السفره
اما انترلكن باريس عادي جداً مثل باقي الطرق
السريعه وفي باريس ما تنفعك السياره
الا اذا كان عددكم كبير فهي اوفر لكم
من القطار او الطياره

كفيتو ووفيتو...
الله يعطيكم العافيه جميع
وصراحه اللسان يعجز عن الشكر لكن ما اقول الا الله يوفقكم وييسر امركم
الرحله كلها شخصين والغرض من الموتر هو انترلاكن التجول والمتعه في التنقل
بالنسبه ل ميلان وباريس اتوقع اني ما احتاج الموتر
بس كان ودي اعرف اي طريق ممتع
والي عندو معرفه بسعر التذاكر من جنيف لباريس ياليت يفيدني الاني كنت مخطط بالموتر
وما ودي بالضريبه (100يورو) اني استلم الموتر في دوله واسلمه في دوله ثانيه
ياليت تحددو المسافه بين
لوقانو & انترلاكن & بازل

يا شباب لحد يبطي على احد ...
منتظر منكم اجابه
كافيه و وافيه

من جنيف الي باريس طيران
السعر يعتمد على توقيت الحجز والحجز المبكر
وجدتها بالطيران الاقتصادي او الاروبي ايزي جت بسعر 32 فرنك يوم 17/7
والصباح الباكر 40 فرنك اتجاه واحد فقط 18/7

هذي قائمه للاسعار بالاشهر لنفس خطوط ايزي جت
والسعر للشخص الواحد واشوفها رخيصه جدا