1. 5- الابتعاد عن الاماكن المزدحمه (المغلقه)


2. 6- للاحتياط الشديد لبس الكمامات


3. العلاج يتم عن طريق اخذ Tamiflu او Relenza بس في نقطه مهمه جدا جدا جدا

السلام على الجميع
حبيت اطرح هالموضوع لاني لاحظت مجموعه كبيره من الاعضاء خايفين من انفلونزا الخنازير وبصراحه انا ما الومهم لان الاعلام مسوي قلق للجميع ومخوفنا بزياده
بس انا من طبعي اسمع الخبر واروح ابحث عنه عشان ما اصير ناقل جاهل للخبر احب على الاقل يكون عندي 50% معلومات عن الخبر وفي ظل وجود مواقع تسهل البحث المقروء وحتى المرئي الواحد ما صار له عذر يقول ما اعرف
في البدايه المرض هذا مو شي جديد على البشر ولا هو طفره من طفرات الامراض سبق وان ظهر في الاعوام 1976 و 1988 وحتى في عام 2007 في الفلبين بس ما سمعنا عنه شي !!!!!!
هو عباره عن نوع من انواع الانفلونزا يعني المصاب به تظهر عليه اعراض الانفلونزا العاديه وهي :
1- ارتفاع في الحراره يصل فوق ال 38 درجه
2- الم في المفاصل
3- عطاس مع كحه مع الم في الحلق
4- بعض الحلات يصيبها اسهال
الوقايه منه تتم بحاجات منطقيه يعني مثل
1- غسل اليد بالماء الدافي والصابون لمدة 20 ثانيه على الاقل
2- استخدام المعقمات وهي منتشره في الاسواق بجميع الاشكال والالوان والروائح
3- تجنب المرضى
4- التقليل من المصافحات بين الناس والقبل

5- الابتعاد عن الاماكن المزدحمه (المغلقه)

6- للاحتياط الشديد لبس الكمامات

تجنب لمس الاشياء مثل مسكات ابواب الحمامات والحديد اللي في السلم وعربات التسوق في الجمعيات وبعدين تمسك عينك او انفك او فمك وبدل ما تدخل نفسك في متاهات لا تمسكها واذا كنت مضطر عقمها قبل والله يخلي مناديل ديتول وشركات كثيره
في عاده انا ملاحظها في كثير من الناس ولا تقولوا مو موجوده في ناس تعطس في يدها !!!!!!!!!!!!!! المشكله هالانسان يروح يصافح الغير وينشر الجراثيم يعني ما يبيلها كلام اذا بتعطس اعطس في منديل واذا ما عندك في طريقه حلوه للاطفال تعلمك وين تعطس ههه شوفوها
http://www.************/watch?v=NxBAvKYCUpU&feature=channel
يعني باختصار النظافه والنظافه عندنا ولله الحمد من الايمان احنا ما نحتاج حد يقولنا روحوا غسلوا يدكم لان المسلمين ولله الحمد يتوضوا في اليوم 5 مرات ودينا وصانا على النظافه
لكن هم اللي جابوا الامراض حق انفسهم من خلال ممارساتهم الغير نظيفه وما يحتاج نشرحلكم كيف بس يكفي ان بعض التواليتات عندهم مافيها ماي تغسل فيه
عند الاصابه واتمنى تركزوا على هالنقطه هاذي
شفنا من خلال الاعراض اللي تطلع على المريض ان المصاب حاله حال اي انسان (مرشح) او جايه برد يعني المرض ما يغير لونك الى الاخضر مثلا ههه
انا اللي ابغى اقوله ان المصاب يتعالج وحطوا الف خط تحت كلمة يتعالج يعني مو يموت على طول يا جماعه هاذي انفلونزا مو طاعون

العلاج يتم عن طريق اخذ Tamiflu او Relenza بس في نقطه مهمه جدا جدا جدا

رجاء لا احد يروح يتفلسف ويشتري هالادويه من الصيدليه وياخذها قبل الاصابه لانها ما تقي من المرض لكن تشفي منه باذن الله وما تفيد وقت الاصابه اذا اخذتها وانت سليم يعني اذا خذتها وانت سليم ولا قدر الله اصبت بالمرض هاذي الادويه تفقد مفعولها وماتشتغل معاك فرجاء انتبهوا لهالنقطه
في نقطه مهمه ايضا قبل لا انسى اللي يقول ان منظمة الصحه العالميه رفعت المؤشر الى الدرجه السادسه ياريت يكمل الخبر ولا يصير زي اللي قرأ (ولا تقربوا الصلاه ..) و وقف
المنظمه صحيح رفعت المؤشر الى 6 وهو اعلى درجه من درجات انتشار المرض ولكنها في نفس الوقت صرحت ان 14 حالة وفاة في العالم رقم لا يدعو ابدا للقلق لان اللي يتوفوا من الانلفونزا العاديه وامراض اخرى عددهم اضعاف هذا الرقم
الاحتياط واجب لكن انا ما ودي نجلس نخوف بعض ونقول بنجلس في بيوتنا وما راح يجينا شي ترا موسم الانفلونزا الى الان ماجا وقته و الانتشار الحقيقي للانفلونزا سواء العاديه او الطيور او الخنازير يكون في الخريف و الشتاء يعني عندكم من الحين الى شهر يناير 2010 بتجلسون في البيت ؟؟؟؟؟؟