وعليكم السلام ورحمة الله وبركاته
هلا وغلا الغالي
ماتبي حد أيشيل لك الشناط ترا جاهزين

نسيت أقولك الغالي
مدة الرحله 3 ساعات و10 دقايق تقريباً ..

ههه حياك الله اخوي القطري .. انا اتشرف بخوتك يالغالي
طيب الحين انا بيكون معاي شناط وعفش كثير اخاف تنسرق علي او تضيع لا تنقلت من قطار لقطار.
وهل القطار يروح مباشره لمحطه بادنغتون؟
شكلي باخذ تاكسي واريح راسي

اخ بدر
القطار بيروح مباشر ان شاءالله والشنط ممكن تركب في اخر العربة وتكون جنبها رغم ان الموضوع امان ان شاءالله
وبخصوص القطار اللي بيوديك كاردف بعد نفس الشي ممكن تجلس في اخر العربة قريب من الشنط والقطار جدا مريح وراقي وفي بلك كهرب جنب الكرسي تجرج فيه اي جهاز فلا تحاتي شي
ورحلة موفقة ان شاءالله

بدر البدور
توصل بالسلامه
كل عربه مزوده بمكان للشنط والمسافه الى كاردف ساعتين وعشر دقائق تقريبا عدا يوم الاحد يصل الى ثلاث ساعات او اكثر وكما اسلف اخي الافضل اخذ قطار اكسبريس الى محطه بادينقتون مباشره وهذه المحطه تستقلها الى كاردف

طيب بنفس الموضوع ...أنا بروح من كاردف إلى المطار هيثرو لكن طيارتي بدري الصباح الساعة 9 صباحا
كيف .... ومتى أطلع من كاردف ...باسهل طريقة ...خصوصا أن مشكلتي أن شنطتي ما يقدر يشيلها إلا شخصين
يعني أخاف من أماكن السلالم ...لاني ما أقدر أشيل شنطتي ..من ثقلها.... وأحتاج وقت حتى أصل المطار .. فكيف الطريقة ... وماهي الوسيلة ...ومتى أطلع من كارديف .... بالضبط ؟ ناس قالو لي خذ لك باص وعلى طول ...الى المطار ...هل أحد ..جربها ؟؟ معليش طولت عليكم ...

في خدمتcom
اذا لديك شنط الافضل الباص من كاردف الى هيثروا وبامكانك الحجز من مكتبهم بجانب محطه القطار الرئيسيه او عن طريق الموقع

مجموعه انسان
مشكور يامجموعة انسان على تفاعلك معي
لكن اليوم شريت تذاكر القطار من كارديف الى بادنقتون وبعدها لهيثرو
رايك أرجع التذاكر واخذ باص ...مع أي أكره الباصات كره

في خدمتcom
اذا الشنط حليله خلك على القطار لانه ما راح تنزل الاندرقراوند تغيير الرصيف فقط اذا على الاكسبريس ما فيه مشكله