أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
والله اخوي انا للحين ماحجزت الفندق
بس يعني احسبها من اقرب محطه لقوس النصر
وبسالك جم المده علشان اوصل هناك
وشنو المقصود بالأستديو ؟؟
وهل لازم اسكن في ديزني لاند؟؟
من محطة شارد دي جول اللي جنب قوس النصر الى دزني لاند حوالي 40 دقيقة...وتذكرة القطار للشخص البالغ الى دزني ب 12 يورو ....ممكن تسكن في دزني بس احس صعب لانها بتكون بعيده عن الشانز والاماكن السياحية اللي في باريس
إذا أخذتي محطة Charles De Gaulle Etoile اللي على قوس النصر تماما ما تحتاجي تغيري و بيكون أسرع شي
تاخذي ال RER و لما ينطقوا اسمه بالفرنسي يصير إيغو إيغ. المهم خذي ال RER على الخط الأحمر و رمزه الحرف A و المتجه الى Marne-La-Vallee - Chessy ولا تنزلي الا في يورو ديزني و هي آخر محطة له.
و انتبهي انه على الخط الأحمر A في 5 اتجاهات ما تاخذي الا ال RER اللي يروح Marne-La-Vallee - Chessy و في بعض الإشارات و الخرائط يرمزوا لهذا الإتجاه بالرمز A4 و أحيانا يكتيوا parcs Disneyland
و المدة حوالي 40 دقيقة و ال RER يتوقف 15 مرة في محطات على الطريق لمدة دقيقة أو أقل ينزل ركاب و يشيل غيرهم.
والإستديو يعني شقة صغيرة جدا يكون فيها المجلس و المقلط و الصالون و صالة الطعام و غرف النوم و زيادة عليهم حمامهم (أكرمكم الله) و مطيبخهم في نفس المكان. تخيليها غرفة فندق ستاندارد.
لو بيوفر عليكم السكن في ديزني كثير و كانت زيارتكم مخصصة لديزني اسكنوا هناك و احسبوا الفرق مع تذاكر RER طبعا و عددكم و عدد الأيام اللي بتقضوها هناك. اما انه لازم تسكنوا هناك فمو لازم.
والله مادري كيف اشكركم صراحه احرجتوني بطيبتكم
خصوصا اخوي المسافر الأخير
XXXXXXXXXXXXXXXXXXXXXXXXXXX
تمنع الادارة وضع الايميلات الشخصية وارقام الهواتف
وتكرار ذلك يعرض عضويتكم للايقاف
مع تحيات مراقب المنتدى Impact
المسافر الأخير
سؤال الله يكرمك
هل يوم واحد يكفي لل ديزني لاند
يعني اسكن في الشانز و اروح بالقطار و ارجع في نفس اليوم
و هل المحطة من شارع الشانز قريبة يعني ينفع مشي الها ولا احتاج تكسي او باص
و ايهم افضل
و اذا عندك علم عن مواعيد القطار الى ديزني
مع جزيل الشكر
ما عمري دخلت ديزني لأنها لا تستهويني فما أعرف كم يوم يلزمها.
المحطة اللي على قوس النصر اسمها Charles De Gaulle Etoile و قوس النصر هو نهاية شارع الشانزليزيه فطبعا تعتبر بنفس الشارع.
و ال RER تقريبا كل نصف ساعة
