eti900
31-10-2022 - 07:30 pm
السلام عليكم ورحمة الله
ياليت لو تفيدوني باهم المواقع السياحية ولكن عن طريق
خريطة الاندرقراوند ،،، فمثلا u1 يقع على مساره برج الدانوب والمقصود
في اي منطقة يمكنني الذهاب لهذا البرج من خلال الخارطة ،،، وهل بامكاني الذهاب مشيا
ارجو الافادة كذلك لبقية المواقع مثل قصر شونبرون ومغارة هتلر ومدينه العاب البراتر
وغيرها وهل يمكنني الذهاب لتلك الاماكن مشيا اذا نزلت من المحطة او بالباص ،،،
واذا كان بالباص كيف اعرف ان هذا الباص يوصلك للمنطقة السياحية المطلوبة
شاكرا ومقدرا جهودكم ،،،
بالنسبة للمواقع السياحية البارزة في النمسا فهناك محطات أندرقراوند تكون قريبة منها
ونعم تستطيع تروح لها مشي من المحطة .. بعضها تطلع من المحطة تلاقيها بوجهك على طول
وبعضها يبيله شوية مشي ..
مثال قصر الشنبرون فهو يقع على ال U4 وأسم محطة التوقف بأسم القصر
لكن الشيء الوحيد اللي ممكن يضيعك هو لما توصل للمحطة الصحيحة ولكن تستخدم المخرج
الخاطيء.. فكل مخرج له أسم خاص .. عشان جذية .. أنا اقولك لما وصلت هناك شسويت ..
حددت الأماكن اللي أبي اروح لها .. أو بالأحرى محدده من قبل .. ونزلنا للأستقبال بالفندق
وخليته يحددلي على خارطة الأندرقراوند .. كل محطة وأسم المخرج السليم .. + يحدد موقعها على
خريطة المدينة .. وهي عموماً تكون يايه مع خريطة الأندرقراوند .. عشان لما تطلع من المحطة
تعرف أي اتجاه تسلك ..
بالإضافة أنه في نفس الخريطة تلقى أسماء للأماكن السياحية بالنسما ..
ولي عودة لتحديد بعضها