أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ورحمة الله وبركاتة
اخواني اريد الاستفسار عن بعض الامور
وهيا انا اريد ان اذهب من london الي Glasgow عن طريق القيطار ولا اعلم كيف الطريقه مع العلم ان رحلتي الجمعه القادمه وكيف اقص التذكره
وعليكم السلام ورحمة الله وبركاته
هلا وغلا الغالي
رحله موفقه ان شاءالله
تقدر تطلع من لندن عن طريق محطة london kings vross إلى قلاسكو وراح ايكون القطار ديراكت ان شاءالله ..
مدة الرحله 5 ساعات و46 دقيقه ..
ولكن هل حجزك ذهاب وعوده ولا ذهاب بس !!
الذهاب بس أرخص تذكره ب 45 باوند ونص والدرجه الأولى ب 61 باوند ونص ..
تقدر اتعرف كل التفاصيل عن طريق هالموقع
http://nationalrail.co.uk/
واي خدمه احنا تحت امرك
الغالي ..
في العاده اتكون الحجوزات متوفره ولكن عشان تتفادى الطوابير حاول اتروح للمحطه قبل السفر بيوم وتحجز من هناك ..
وإذا انت عارف متى بترجع بالضبط حاول تحجز ..
تعبك راحه الغالي وكلي لك ..
كيف رحلتك بالضبط !! من اي مطار !!
وتقدر تاخذ اي تاكسي من لندن وقوله ايوديك London Kings Cross إذا كنت تبي اتقصرها وهي بعيده :8888:
انا رحلتي الجمعه من جده الساعه 5 الي ابو ظبي تقف 5 ساعات ثم الي لندن مطار هثرو وقت الوصول الساعه 7 ونص صباحا من يوم السبت
انا قالو لي بتاخذ القيطار من نفس المطار؟
هلا وغلا الغالي
أعذرني على التأخير توني داخل النت ..
فيه قطار اسمه هيثرو اكسبرس ايوديك من المطار لين محطة بادنغتون مباشره والعكس ..
مدة الرحله 15 دقيقه وسعر التذكره 15 باوند ونص ..
هل انت بتطلع على طول قلاسكو ولا بتقعد في لندن !!
إذا بتروح على طول قلاسكو اسأل مكتب الأستعلامات في المحطه عن القطار ألي ايوديك على محطة London Kings Cross وماراح أيقصرون معاك
فعلا من محطة كنج كروس الى غلاسكو وحاول اخوي تسأل قبل لا تقص التذكره عن المحطات اللي بتوقف عندها لان احنا كانت رحلتنا وايد متعبه بالروحه من لندن الى غلاسكو تقريبا خذت 7 ساعات من كثر المحطات اللي توقف لها لان روحتنا كانت تصادف يوم احد وغالبا القطارات تغير مسارها في هذا اليوم عشان تمر على عدد اكبر من المحطات بس العوده لا كانت خفيفه ما خذت منا اكثر من 5 ساعات وسعر التذكره الذهاب والعوده كانت 91 باوند للشخص البالغ غير قابله لتغيير التاريخ وراح اتأكد لك عن رقم الباص اللي يوصلك المحطه وباص رقم 10 يوصلك المحطه وحاول تحجز مثل ما ما قال اخوي القطري قبل يوم افضل لك واذا لقيت زحمه وطوابير على الحجز راح تلقى مككينه مكتوب عليها بما معناه احجز تذكرتك بنفسك تدخل البطاقه الفيزا او الكاش وتختار المحطه اللي تبيها وتطلع لك التذكره بالنسبه لمكان الحجز في المحطه لمن تدخل المحطه من الباب الرئيسي اخذ يسار سيده بتلاقي مكتوب حجز التذاكر بالانجليزي طبعا في قسمين لو كنت بتحجز حق نفس اليوم بتكون المكاتب اللي على طول بويهك مكتوب عليها ticket for today اما اذا كنت بتحجز حق اليوم الثاني ادخل المكتب وروح سيده اخر اعتقد 3 او 4 مكاتب تحجز منهم يعني بتلاقي المكان مقسم الى قسمين للصفوف انت روح للقسم الثاني وقول له ابي دايركت غلاسكو الله يوديك ويرجعك بالسلامه
هلا وغلا الغالي
رحله موفقه ان شاءالله
تقدر تطلع من لندن عن طريق محطة london kings vross إلى قلاسكو وراح ايكون القطار ديراكت ان شاءالله ..
مدة الرحله 5 ساعات و46 دقيقه ..
ولكن هل حجزك ذهاب وعوده ولا ذهاب بس !!
الذهاب بس أرخص تذكره ب 45 باوند ونص والدرجه الأولى ب 61 باوند ونص ..
تقدر اتعرف كل التفاصيل عن طريق هالموقع
http://nationalrail.co.uk/
واي خدمه احنا تحت امرك