مالك الا السفارة النمساوية اما بالنسبة للسفارة الايطالية ماراح تقدر تاخذ موعد الا على بداية شهر 6
المطلوب للشنقن من السفارة النمساوية
هذا رابط تقديم الطلب
http://www.bmeia.gv.at/fileadmin/user_upload/bmeia/media/Vertretungsbehoerden/Riyadh/2656_sv_antrag_riyadh_en_ar.pdf
وهذا رابط موقع الطلبات ولازم تراعي الدقة فيها تراهم معقدين
http://www.bmeia.gv.at/ar/botschaft/riyadh/ratgeber/ihre-reise-nach-oesterreich/einreisebestimmungen-visa.html

الله يسلمك اخوي على الرد وعلى اهتمامك
بس سمعت انه في مكاتب تسويها؟؟؟
طيب لو رحت انا سويتها كم يحتاج عشان تطلع وهل بموعد او كذا
اللي اعرفه النمساويه بدون موعد
ارجوا الافاده

A&M4ever
انا عندي مكتب اعرفه بالرياض خلال 15 يوم والجواز مفيز شنجن وسعره 750 ريال للجواز والمطلوب صورتين مكشوفة الرأس لكل مسافر تعريف من العمل بالراتب ويكون باللغة الانجليزية وصورة من بطاقة الصراف وانتهى هذا هو المطلوب اذا بغيته ارسلك موقعه بالرياض على الخاص انا مدري هل هو مسموح اني اذكر اسم المكتب ولا لا .

فارس
بالنسبة للحظور شخصي وهذا شرطهم وشفت ناس يتم ارجاعهم اذا كانو ليسو مفوضين من صاحب الجواز
اما اذا عندك يافارس مكتب ياليت تقول لنا اسمه انا ابي افتك من الروحه بعد

فارس
الله يعافيك ياليت تقولي وش اسمه
بليز

الله يعافيك اخوي ماتقصر

فارس ياليت تقول لي اسم المكتب اخاف اتعقد انا بعد وبصراحه عملي مايسمح لي كل يوم اطلع عشان السفارة

1. وهذي قصتي معاهم (-.


2. جهزت اوراقي (كامله) وهي كالتالي:

يا اخي الكريم انا توني رايح للسفارة يوم الاربعاء الماضي ورحت بنفسي بناء على نصيحة الاخوان في الموقع بحجة ان السفارة لاتقبل استخراج الفيزة عن طريق المكاتب السياحية او المعقبين وهذا بالفعل صحيح
وصدقني يالغالي لو رحت ما راح تاخذ منك وقت

وهذي قصتي معاهم (-.

جهزت اوراقي (كامله) وهي كالتالي:

1) صوره من حجز الفنادق للفتره المراد جلوسها في بلد السفاره كامله...مثلا بتجلس با النمسا عشر ايام و الباقي بديار ثانيه و بتطلع فيزتك عن طريق السفاره النمساويه وفر لهم حجز للعشر ايام كامله غير ناقصه يوم واحد ولا بيرجعون جوازك وتبدأ تقدم من اول وجديد
2) صوره من تذكرة السفر مؤكده
3) تعريف با الراتب من جهة العمل (يكون مصدق من الغرفة التجاريه لو كنت موظف شركه) ولازم يكون مترجم من مكتب ترجمه ومختوم عليه
4) صورتين شمسيه ( بدون شماغ ) خلفية بيضاء وتكون (مقربه من الوجه كثير)
5) تأمين سفر (انا اخذته من التعاونية للتامين )
6) صورة لجواز السفر ولازم يكون الجواز موقع عليه من صاحبه في الصفحه الثالثه واكثر الاخوان ما ينتبهون لهذا الشرط وانتبه لازم يكون نفس الي في الابليكيشن حق الطلب
7) صوره من دفتر العائله للمتزوج و من بطاقة الاحوال للعازب
8) الجواز وقع عليه نفس توقيعك (مطابق) للتوقيع با الاستماره
9) كشف حساب با اللغه الانجليزيه لمدة ستة شهور (يكون على ورق البنك الرسمي او مختوم من قبل البنك)(ضروري) وانا شفتهم مرجعين واحد عشان هذا الشرط
0- دفع الرسوم البالغه 306ريال سعودي للتأشيره الواحده
1- صوره من بطاقة الفيزا او الماستر كارد (لو كانت موجوده)
2- تعبأة الأستمارة (بالانجليزي طبعا) ولو مريت على اي من المكاتب السياحيه المعروفه (اطلبهم نموذج طلب تاشيره النمسا)وراح يعبونه لك
طبعا اتجهت لحي السفارات عند الساعة الثامنه والنصف صباحا وسألت العسكري الي باول دوار عن مكان السفاره النمساويه وما قصر دلني (وصفها سهل جدا)
لما وصلت لقيت الحارس عند البوابه وقالي (اذا تبغا تقديم طلب تاشيره ما فيه امل تدخل الحين) (-.
انتظرت لين جت الساعة 9 بالضبط وبدأ الناس يكثرون (ونصيحي يا اخون الي بيروح لازم يكون هناك 8,30 كحد اقصى عشان يمسك سرا عند الشباك وياخذ بطاقة دخول ويكون مو متاخر زي ناس جلسو في سياراتهم ينتظرون وهم اصلا جايين بدري بس ما نزلوا عند البوابه) وتاخروا في السرا
المهم:
فتح الشباك ابو هنود وقال اوقفوا سرا (تذكرت ايام المقصف في المدرسه)(-.
تسلم جوالك عنده وتسجل اسمك ويعطيك بطاقة دخول
كان ترتيبي تقريبا الخامس
دخلنا جوا وكان فيه كراسي انتظار وشباك واحد فقط (داخله موظف الظاهر انه يمني الجنسيه) وباين عليه انه نظامي مره بس شهاده لله الرجال جدا محترم وخلوق
الاربعه الي قدامي ما اخذو ربع ساعه الا وهم منتهين
جا دوري وسلمته اوراقي وجوازي وجلس يتفحصها )-؛ ورقه ورقه وبعدين عدينا ولله الحمد (والله لو انه اختبار دكتوراه) (-.
وفي الاخير قالي خلاص ادفع 306 ريال واعطاني ايصال وقالي بعد عشره ايام راجعنا وان شاء الله تلقاها منتهيه
هذي تجربتي مع السفاره النمساويه يوم الاربعاء الموافق 20- 4 - 1430ه
ولكم تحياتنا,,,,