ما شاء الله الحمد لله على سلامة الوصول ،،،
أتمنى أن تكون بأفضل صحة وعافية ،،، وأن تكون رحلتكم على أفضل ما يكون
وننتظر الصور على أحر من الجمر

الموضوع باين من عنوانه وبالتأكيد فسيكون من فئة ( الخيال ) والفايف استار.
منتظرين بداية الموضوع وخلينا نسمر عليها في هذه الليالي الشتوية .

الله يسلمك اخوي راحة سفر
والحمدلله كلنا بخير وصحة وعافيه
.
.
.
.
.
البداية تم التخطيط قبل السفر بما يقارب الشهرين وكانت الرحلة مقتصره على شخصين
ثم تطورت الأمور وأصبحنا 5 أشخااص ذكور
وبعد بحث ومشاورات عن الأماكن والسواقين تم الأستقرار ع المناطق المذكوره
والسائق بابو بصراحه هالسواق ممتاز وكنه واحد منا ووسيع صدر وأنصح به واللي يبي رقم جواله موجود في المنتدى
أو يرسل لي ع الخاص واعطيه الرقم
طبعا الحجز كان عن طريق الخطوط السعودية (باص السعوديه) قبل السفر بشهر بمبلغ 1309 ريال للشخص
الذهاب : الرياض - كوتشين
العودة : كوتشين - الدمام - الرياض
وكان موعد وصولنا لكوتشين الساعه 11 صباحاً وهاذي نقطة لصالح باص السعودية
بعد ماطلعت من المطار شريت شريحة فودافون ممتازه في التغطيه وفي الأتصال على السعودية
كانت الدقيقه تقريبا بريال واقل بشوي ونصحت اللي معي بها لكنهم رفضوا وبعد 3 ايام كل جوالاتهم انفصلت حد
أئتماني ههه
مع العلم كانت الدقيقه من الجوال السعودي الاتصالات السعوديه 6 ريال للسعوديه وكان على شبكة arcel تقريبا هذا اسمها
ولاتغطي في معظم الأماكن ألا يمكن ماغطت الا في كوتشين وكوماركوم والباقي صفر
نبداء المرحلة الأولى للصور

هنا بصراحه انا مدري شلون محل فواكة جنب محل كفرات وبنشر خ

وهذا مجمع في كوتشين وقفنا فيه نصرف ونتغدى

وهذا اللي صرفنا عنده وكان سعر الصرف 11.70 روبيه للريال

هاذي شكلها رحله مدرسيه مطلعينهم

يتبع ,,,

اليوم الأول
السكن كان بمنتجع زوري لليوم الأول والثاني في كوماركوم
أترككم مع الصوور
الحارس يتأكد من أن الحجز مطابق للأسم المكتوب عنده
وهذا أسم المنتجع على اليسار عند بوابة الدخول
بعد دخولنا لقينا هالفيل ماسك الجبل بفمه ولاف خرطومه عليه والجهه المقابله حول 30 شخص يسحبون
والله ضحكنا عليهم سحبهم على وجيههم ههه وأعتذر مانزلت صورهم لأن فيها حريم
كان في استقبالنا مبتسم دايم واحسن شي هالفوط اللي معه كنه عارف ان وجيهنا راحت من تفتيح الدرايش
وهذا الريسبشن كل اللي كانوا فيه يبتسمون وأحلا ترحيب
هاذي صور البحيره والقارب الخاص بالمنتجع
وهنا المطعم يمين والريسبشن يسار
ومن هنا غرفنا
وهاذي الغرف أول غرفتين ع اليسار رقم 101 و 102
وهنا دخلنا الغرفه أبشرركم
هنا الغررف تطل على البحيره فيه كراسي وطاوله وأحلى جلسه بس النامس مايخلي الواحد في حاله
وهاذي غلطتنا ماخذنا كريم ولابخاخ ولاشي
وهذا الجسر يمين فيه مطعم مأكولات بحرية ويسار مايحتاج اقول وخلفه البحيره والهاوس بوت تبع البحيره
وهنا المنتجع حاطينها زي الجزيره بالنص ولها جسر واضح بالصوره ماتروح لها ألا عن طريقه
وهاذي غرفنا من جهة البحيره
هذا جوز الهند
وهذا المسبح من فوق الجسر
وهذا القارب داخل المنتجع وخلفه الريسبشن
وهنا الهاوس بووت خارج المنتجع واضح الجاكووزي اللي فوق
أحس أنها خيال بس على كلام بابو أن سعره يوصل 1500 ريال في اليوم لكن ماسألنا عنه
وأخيراً صورة غروب وصورة ليلية للمنتجع وبكذا تنتهي المرحلة الأولى بنهاية اليوم الأول
وأتمنى يعجبكم وحاولت أصغر الصور واحافظ على وضوحها لسرعه فتحها
وأنتظروني في المرحلة الثانيه
كوماركوم ورحلة القارب

درب يرد مايسد
هلا فيك اخوي نورت وأن شاء الله التقرير يحوز على إعجاب الجميع
وأي سؤال لا أحد يتردد (:

ما شاء الله ،، صور روعه ما شاء الله عليك ،، سلمت الأنامل اللي صورت وسلم الحس الفني اللي اختار الزوايا
وبصراحة بداية أحسن من الممتازة ما شاء الله سرد رائع وتفاصيل أروع ،،، جزاك الله خير أخي الفاضل شيء خيال
واصل مع شكري التام لجهدك ووقتك اللي منحتنا إياه ،،،

يعطيك العافية يارب .. والله اي تقرير جديد ينزل على قد ما يكون رائع ومتقن مثل ما في هذا التقرير على قد ما يحرك مشاعر الحنين للسفر وبالاخص للاماكن الجميلة والتي يزيدها جمالا ابداعكم
بارك الله فيك .. واجزل لك الثواب .. وحفظك من كل شر ومن تحب والجميع

بدايه رائعه...
سجلنا من المتابعين...

راحة سفر
مرورك أرووع وأحلى تسجيل لأحلى متابعة (:
وأعتذر عن التأخير بسبب كثر الصور وتصغيرها ليسهل فتح الصفحات
ونبداء المرحلة الثانيه
واليوم الثاني في كوماركوم
بعد ماخذنا راحتنا في النوم جاء وقت التمشيه والغداء
وطلعنا رايحين نتغدى
هذا أسمه سليم شافنا اول يوم الليل طابين في المسبح وجاء يسولف معنا
ويعلمنا انه يشتغل في بوفيه في البطحاء ويشتغل في المنتجع اذا راح الهند
يوم شافنا جايين نطلع وقف يسولف ههه مايعرفون يسكتون أبد
وهذا طريقنا بعد ماطلعنا من المنتجع
وهنا وقفنا ع الطريق نشوف البحيره والقارب
وهنا وصلنا المطعم بعد مشي حول الساعه
والأخوان استلموا هالمسيكين والا تسوي هالحركه خ
وهذا الغداء وصل أقلطوا
أسم المطعم ولايفووتكم لذيذ ورخيص
والمطعم موجود في مدينه بعد كوماركوم كنك رايح لتيكادي ومونار اسمها كوتين او كوتا
وهاذي بنده مرينا نشتري منها أغراض لأن كوماركوم مالقينا فيها شي
ونصحنا بابو اذا نبي شي نشتري من هنا وخذنا لنا مشروبات وتست ولقينا محل عنده
جبن كرافت مع انه غالي لكن الحاجه خلتنا نشتريه
مافيه اي شي عندنا عندهم ألا هالتروبيكان غريبه لقيناه خ
وهذا بابو في بنده
وهنا بعد ماخلصنا من بنده على الطريق لقينا هالفواكه ووقفنا نأخذ لنا
فواكه في الرأس لا من موز ولاتفاح ولا أناناس اللي يروح مايشتري غلطان
سيارتنا واقفه مقابل المحل حق الفواكه
شوارعهم ضيقه وباصات رايحه وباصات جايه انا مدري شلون يدخلون
تقول يبي يصدمك
وهاذي محطة الدريس فرع الهند
ثالث وحده يوم شافتني اصور قامت تشر وتضحك زاحفه ههه
طلاب المدارس وهم طالعين يداومون 10 الصبح ويطلعون 4 العصر
يتبع ,,,