السلام عليكم
ما شاء الله
يعني ما تقدر تتمشى ولا تروح مكان ؟
وكيف الوضع في كوشين ؟

اي والله صدقت يابرد في مونار شي مو طبيعي انا فيها
ماودي الا اشرب شي دافئ واتغطى وانام .. حتى التماشي اغلبها اختصرناها من المطر والبرد
اظن هجري الجو بيستمر اسبوعين وبعده بيعتدل ان شاء الله
رحله موفقه اخوي سقراط وان شاء الله تكون من اسعد الرحلات .
مشكور
.

هذا اللي ماحسبنا حسابة
طيب اللي جاي يبي يتمشى ويطالع ويتفرج وش يسووي بلشة
انا ان شاء الله فيها بعد يومين تقريبا

وكيف الوضع في كوشين
انا بكره سفرتي ...... : -
Cochin - Munnar - Thekkady - Kumarakom
وبعض المناطق الاخرى ... طبعا بما فيها زيارة فيجا لاند
كيف الوضع في باقي المناطق ؟

r3ad9
وعليكم السلام .
للاسف البروده تضرب العظم .. والجيوب الانفيه .. وحيل هوا بارد مع امطار كانه شتا بالخليج .
اما في كوتشين الجو غايم على طول مع امطار وبارد ..
يعني مافي عرق .

حلم
والله هي من اجمل الرحلات الصرااحه ..شي عجيب وانا مرتااح الصرااحه ..
وكلامك صحيح ..
يسلموو

ioxxio22
ايواا هاا ديير بالك تروح بدون جاكيتات او بدون زلاغات ترا اقولك برد ولاتدخل تسوي فيها عنتر ههه
شيل معاك :جاكيتات+غطاء راس+قفازات+زلاغات+دوا كحه.
وشيل ادويه زكام +دوا بعوض+فيكس+بندول.
احسب حساابك ترا.

أخي الكريم سقراط
أنا الآن في مونار من ثلاثة أيام وساكن في ( كلوب ماهندرا ) يعني أبرد مكان في مونار
وأحس الصراحة إنك مبالغ جدا
الجو ممطر وبارد فعلا
لكن برودة منعشة وليست تكسر العظم
والله من يوم جيت وانا البس كم قصير وما احتجت إني اشتري جاكيت
وحتى تلاحظ الهنود كلهم فيه اللي يلبس جاكيت وفيه اللي يلبس قصير
يعني أقرب ما يكون مثل جو أبها
ودرجة الحرارة في حدود العشرين
لكن بالنسبة للأطفال ( خاصة أطفال الخليج ) أنصح بإحضار جاكيتات لهم
وعلى فكرة
أنصح الجميع بعدم السكن في فندق كلوب ماهندرا فهو سيئ جدا جدا لا يستحق أكثر من ثلاث نجوم
وسأنزل تقرير متكامل عنه بعد الرجوع إن شاء الله

سيل الوسم
أخي العزيز يا ليت بس تذكر لنا افضل اماكن السكن في مونار لاني حاجز في كلوب وبناء على نصيحتك راح اغيره..مهم جدا