abofawaz
16-09-2022 - 10:52 am
مرحبا يالغالين في مملكتنا الحبيبة عموما وفي الشرقية خصوصا وفي الخبر تحديدا
وين مشرفين الشرقية أخوي / عبدالرحمن وأختي / فاارسة مالهم شوفة ترى لو مروني بوابة فرنسا ماراح أقصر معاهم بقدم لهم ماكارون و مارون وفاندوتشوكليت ضيافة زيارتهم فرنسا وبمشيهم بالشانز وايفيل والمونمارت ولاديفانس وبخليهم يستوقون من جاليري لافييت على حسابي .
المهم أنا وصلت أمس للخبر وسكنت في فندق سوفتيل الخبر بعد ماشفت من ترشيحات الأعضاء الكرام والحمدلله الفندق ممتاز لكنني متوقع يكون لة شاطئ للأسف بجانبة تماما خفر السواحل وشاطئ لم يستثمر بعد الظاهر عشان الفندق توة مفتتحينة من شهرين بس .
السؤال ؟؟؟
البارح دورت ابي مطعم حلو وراقي وقاعد أتمشى فالسيارة فشفت مجمع مطاعم اسمة كرستال وعلية شعار كذا مطعم فنزلت وتفاجأت انها قاعة أفراح وفيها مطعمين بس وهي بيتزا ومطعم سي فود اسمة عمو حمزة ومطعم تندوري قريبا سيتم افتتاحة المهم وبصراحة جربت عمو حمزة وماكان على المستوى فقط عجبني عصيرة لدرجة طلبت منهم ثاني تيك اوي .
المطلوب
أتمنى منكم ترشيح كذا مطعم لي على ذوقكم بس ابي شي يسوى وراقي وسؤال عن مطعم تشيليز هل يوجد لة فرع فالخبر .
شاكر لكم ومقدر تعبكم وياي
حياك الله يابو فواز ونورت الشرقيه
مطعم شيليز قريب جدا من الفندق اللي انت ساكن فيه وجنبه فرايديز ومقابله مطاعم كثير
إيطالي وإيراني وابل بيز وغيرها ومقاهي ستار بوكس ود.كيف كلهم بنفس المنطقه
لما تطلع من الفندق تخليه علي يمينك وتجي الإشاراه تروح يمين شارع الامير تركي بن عبدالعزيز
تمشي حاولي 500 متر او اكثر بقليل وتاخذ خط الخدمه تبدأ المطاعم برجر كنق ود.كيف
تعديهم شوي يجيك شيليز وفرايديز والمطعم الصيني وستار بوكس
وإذا تبي مطاعم راقيه بس شوي غاليه فيه مجمع جزيرة الدغيثر فيها السنبوك ولاقونا فيهم جلسات علي البحر
موقعها قريب من مطعم عمو حمزه اللي تعشيتوا مقابل شقق الراجحي اللي علي نفس الشارع
وعموما المطاعم اللي من ضمنها تشيليز فيه مقابلها مجمع فيه اكثر من مطعم اغلبهم اوكيه
وفيه مطعم هندي اسمها المهراجا إذا تفضل الهندي في فندق الموفنبيك راقي جدا وغالي جدا بس رهيب
فندق الموفنبيك نفس شارع الأمير تركي اللي عليه شيليز تخلي شيليز علي يمينك وتمشي سيده
الي الإشاره تعديها سيده يجي المرديان علي يمينك تواصل الي الدوار بتشوف الموفنبيك
وفيه مطاعم ممتازه بس ماهي راقيه عاديه بس اكل افضل من المطاعم الراقيه وسعر مناسب
عندك مطعم بيت التنور منوع صيني هندي عالمي في شارع الأمير فيصل بن فهد
الإشاره اللي قلت قبل شوي توقف وتشوف المرديان تلف يسار وتعدي إشارتين وتعدي برج السبيعي وبنك البلاد
يجيك المطعم علي يمينك وقبله مطعم سول كتشن ممتاز