أول شي الفيزا تقدر تقدم عليها من سفارتهم فى الدوحه ب 70 دولار طبعا ما تنختم لك فى الجواز يعطونك ورقه و تدبسها فى الجواز .... اذا بتروح هافانا فيها طبيعه حلوه و بحر ، وا لشرطه فى كل مكان منتشرين و هذا الشي يحسس السائح بأمان ... لا تتوقع انك تشوف بلد راقي أو عمران أو تطور ... مباني قديمه و شعب فقير ، بس ودوديين و مسالمين بس يا كثر المتسولين و اللي يحاولون يبيعونلك سيجار كوبي ... تحس الكل يبي يطلع منك فلوس فى كل مكان ... عملتهم البيسو معادله للدولار الأمريكي ...

كوبا .... اليست خطيره على العرب بشكل عام .....
بسبب معتقل قوانتنامو الله يفك اسر اخواننا منه

البلد فيه امان مره بس بلد بسيط من ناحية العمران
بس بالنسبه لشواطئهم حلوه مره
جوهم حلو خصوصاً بالليل
افضل فندق جراند ميليا
انصحك انك تستاجر سياره لان البلد صغير وماعليك خوف انك تضيع
فيه جروبات سياحيه تطلع كل صباح حتى المغرب بسعر 50 دولار للشخص شامله الغداء
يوجد لديهم عملتين داخليه وسياحيه
اذا تبي شي ثاني علمني

انا رحت كوبا في بدايه الثمانينات... بس وقتها كنا في امريكا.. بصرراحة ما اتذكر فيها شي لاني كنت صغيره.....

زارها للسياحة احد اصدقائي من سنة يقول بانها من افضل البلدان اللي زارها بحياته شعب ودود وطيب الى ابعد الحدود والبلد امان ما بعده امان والله انه يحلف بانها آمن من لندن