التاكسي اسرع لك
حاول تتفق مع تاكسي يوديك جينتينق ويعمل لك جوله فيها حديقة الفراوله و العسل والاماكن السياحيه هناك
ثم الى القمه والدخول الى سوق الفرست وورلد الرائع و مطاعمه و الالعاب الداخليه

تاكسي من 120 الى 150 رنقتواتفق معاه يوصلك للفندق مباشره مو لمحطة الكيبل كار
تحياتي

120 غالي جدا انا اخذته اول مره 50 رنجت و المره الثانيه مستعجل مافيني حيل اكاسر 70 رنجت
لو ارتفعت الاسعار بيوصل 100 بالكثير
طبعا انصح بالمكاسره دائما

AL3DNI
وشهو اللي غالي ب 120 قصدك الباص ولا التاكسي

التاكسي الباص 9 رنجت وفي باص بسته رنجت
لكن التاكسي بالكثير بعطيه 70 الصراحه
بس لو رايح اقتاصديه اكيد بفضل الباص لان نفس الشي وما يتاخر كثير ومريح ايضا بس مشكلته بالضبط خاصه ابو 6 رنجت

AL3DNI
والله يا أخي ما أدري هذا السعر حق أي سنه
لو كان 2005 2006 2007 2008 ممكن
لكن 2013 ما اتوقع ابداً
انا سافرت لماليزيا 2005 ايام كان الرنق والريال واحد
بعد كذا لما الحكومه الماليزيه فكت ارتباط الرنق بالدولار ارتفع سعر الرنق وكل شيء غلي
وسافرت 2006 و 2008 و 2011 و 2013 لاحظت أن كل سنه تزيد الأسعار بحدود 20% طبعاً معياري أسعار الفنادق
حتى البترول عندهم غالي
تحياتي

الاسعار هذه حق 2011 و 2012 انا رحتها اول مره ركبت تاكسي من بودورايا 50 رنجت لفوق استغربت ليش يقولوا 100 هذيك الايام
في 2012 نوفمبر بالضبط كنت نازل ولقيت تاكسي قلت له كوالا فندق فيورما قالي 70 والله لو في وقت كنت كاسرته بس خلاص ما بتفرق 20 رنجت معاي وانا مستعجل
طبعا اللي يريد الاقتصاي يروح بباص من محطة الفرست وورلد 6 رنجت وانت في نص كوالا

AL3DNI
شوف
من خبرتي المتواضعه
التاكسي اللي توديك من كوالا الى جنتنغ زي التكاسي اللي توديك من بيتك الى المطار
تروح ملاينه وترجع فاضيه
ممنوع يحملون ركاب من هناك
واذا حصلت لك تاكسي فاضي من اللي ودا مشوار الى جنتنغ بتحصله واقف بعيد ومدسوس زي كداده المطار وبياخذك بأي سعر هو كسبان
التكاسي الصينيه اللي لونها على سماوي داكن هي اللي محتكره التاكسي هناك وعندهم تسعيره حسب حجم السياره
عموماً ياليت يفيدونا الأخوان با الأسعار اللي حصلوها عشان نستفيد ونتبادل الخبرات
تحياتي

لو سمحتوا انا راح يكون معاي طفلين برأيكم ايهم افضا الباص او التاكسي؟
وهل صحيح ان الالعاب الخارجية في جنتنغ مغلقة؟و الى متى؟