بسم الله الرحمن الرحيم ..
السلام عليكم ورحمه الله وبركاته .. مرحبا بالشباب المميز ^_^
كيفكم ان شالله تمام ..!
يا أخوان انا بإذن الله الصيف القادم ناوي آخذ لغة في الخارج .. ومثل ما انتوا عارفين كل ما استعجلت في الحجز كل ما كانت التذكرة ارخص ^_^
وفي الحقيقة انا ابي ارتاح من الحين لما احجز لي مع المعهد والتذكرة وكل شي واكون جاهز ..
وكل شي ماشي مثل ما كنت متوقع الا في يوم من الأيام وأنا كنت ناوي اروح كندا ..
جاني واحد من عيال عمي زار كندا ( تورنتو ) دراسة لغة .. قال : لا تروح , والله ما انصحك كندا بايخة وكلهم موب سكان اصليين مافيه احد كندي وماراح تتعلم ودولة متخلفة والرياض احسن منها .. لو تبي تروح وتضيع فلوسك رح لكن ماراج تستفيد أي شي .. اذا تبي تستفيد روح بريطانيا , أي مكان في بريطانيا بيكون افضل من كل كندا , صح انها اغلى معيشة لكن مكان يمديك تتعلم فيه اشياء كثير .
بصراحة بديت افكر فيها وكلمت كم واحد في بريطانيا نصحوني في بعض المدن مثل ( يورك )
وانا الحين يا شباب وبنات ابي رايكم هل صحيح كلام ولد عمي ؟ او انه كان متصور كندا افضل من كذا ولما راح تفاجأ بانها عادية ..!
وهل كندا افضل من المملكة المتحده في الجو الدراسي ..
وانا يهمني حقيقة كون الدولة الي باروح لها نسة السكان الاصليين كبيرة ..
ويهمني المعيشة بعد ..
ويهمني بشكل رئيسي الجو الدراسي وكون العرب قليل في المحافظة او المدينه الي تئيدوها ..