الحمد لله على السلامة
ننتظر التفاصيل

السلام عليكم..كانت الرحلة من الرياض يوم الأربعاء الساعة 3العصر طبعا المطار كان مزدحم جدا بسبب الناس اللي رايحيين الإمارات عشان الإكتتاب،لكن الحمدلله ماكان عندنا مشكلة لأننا قطعنا البوردنق قبلها بيوم وجينا المطار قبل الرحلة بساعة ونصف (إحنا إثنين) وللأسف تأخرت الطيارة ثلث ساعة تقريبا عموما وصلنا القاهرة على الساعة 7تقريبا وكان فيه سواق مصري منتظرنا في المطار كان مع واحد من الشباب في الصيف وخويي ناسي عنده أغراض فقلنا يطلعلنا وبالمرة ناخذالحاجات ولاأنا ماحب يكون معي سواق معين طول الرحلة لأني حافظ الديرة وعارف قيمة المشاوير وفي النهاية تطلع أوفر من حق السيارة طول اليوم بالإضافة إذا كان معك سواق بيصير أحيانا يقعد معك في المطاعم والمقاهي وبتظطر تحاسب عنه وماراح تاخذ راحتك في الجلسة..المهم وصلنا سميرأميس اللي سكنت فيه لأول مرة وأنا كان نفسي أسكن فيه من زمان وكان مثل ماتوقعت روعه في كل شي والغرفه رغم إنها من الغرف العادية إلا أنه كبيرة جدا وواسعة وفيها بلكونتين وكلها تطل على النيل!!
كلمنا شباب مواعدينهم في القاهرة كانوا سابقينا بيومين واتفقنا نطلع نشوف مباراة برشلونة وفالنسيا أنا قلت لهم أتوقع نحصلها في الجراندكافيه لكن الشباب قالوا فيه مقهى شعبي جمب شقتهم فأحمدعرابي عنده الجزيرة الرياضية قلنا الطيب الوعد هناك طلعنا من الفندق ومرينا نعمه خذنا مكرونه ((ألذ مكرونه ذقتها في حياتي)) ورحنا لمقهى عصمانو الشعبي جداجدا حسينا وإحنا جالسين فيه إننا في مسلسل وهذي من الحاجات اللي أحبها بصراحة (سبق قبل 4سنوات حضرت زواج شعبي عندهم مثل الي يطلع في الأفلام وانبسطنا مرة)المهم كانوا في القهوة حاطين على قناة مصر وقلنا لهم إننا نبي المباراة قالوا طيب بس المعلم أفل ع الدش ولسه ماجاش!قلنا طيب وقعدنا ننتظر المعلم اللي تأخر جدا وبعدين عطيناهم الجوال قلنا دقوا عليه خلوه يشوف لنا حل كلموه وقال أنا بعيد لكن قال لصبيانه عن مكان المفتاح وفتحوا الدرج اللي فيه الرسيفر لكن للأسف بعد كل هذا صارت اللي عندهم الجزيرة الرياضية الغيرمشفرة الهم قلت للعيال أذكر فيه كوفي شوب اسمه سوكر في المهندسين أكيدعنده جا مصري وقال روحوا لسبورت كافيه في ش البطل أحمدعبدالعزيز ورحناله ومكان روعه بصراحه وأكله خطير جربنا عنده المكسيكي صراحه ماعمري أكلت مثل المكسيكي عنده لدرجة إنه كان ودي أصور مع الشيف!
وبعد ماطلعنا رحنا لل...أقول نكمل مرة ثانية لأني بأطلع من البيت هاذي أم العيال باقي شوي وتلبس عبايته وولدي يقطر علي من حليب الفراولة اللي معه!

آسف أخوي بوينج وأخوي الراكد نسيت أقول الله يسلمكم،،وعلى فكرة رحلة الذهاب كانت على طيارة بوينج وكانت سيئة جدا قديمة وكراسيها مرة ضيقة وحالتها حالة..

يعيطك العافيه اخوي
هاه شلون الاسعار هناك للحين مولعه مثل الصيف ولا انطفت نارها
الفندق بكم اخذتوه ؟

الله يعافيك أخوي الأجودي،،بالنسبة لأسعار فعلا أظن القاهرة السنة هاذي أغلى شوي من السنوات الماضية بالذات التكاسي لأن سعر البنزين ارتفع عندهم من 3شهور ولكن الزيادة بسيطة جدا واللي عارف البلد كويس ويعرف كيف يتعامل مع سواقين التكاسي ماعنده مشكله،لكن مدري بصراحة عن الفرق بين الأيام هذي والصيف لأني مارحت بالصيف،،والفندق أخذناه من هنا ب171دولار ومن هنا أرخص لأني سألت وقارنت..

المستر
الحمدلله على السلامه
ونبي منك زود تفصيل وصور اذا امكن

أخوي مهاجر.. أولا الله يسلمك وثانيا بالنسبة للمزيد من التفاصيل فهي قادمة بإذن الله أما الصور فاعذرني أنا على كثر ماسافرت إلاإن الصور قليلة جدا بل نادرة وغالبا تكون شخصية،فالتصوير مهوب من هواياتي العديدة (يارجال كلها هوايتين الكورة لعب ومشاهدة وبلاي ستيشن، والقراءة).

الاخ المستر .. الحمد لله على السلامه ...( بعد حوادث السعوديه مع مصر ) ههه بس الغريبه تروح 3 ايام وانت
يعنى معرس ....... وش اللى تبغاه بلضبط ! وش اللى حدك عليها .. ( ارجو عدم اعطائى العين الحمراء ) ههه