اول شي السلام عليكم ورحمة الله وبركاته
ثاني شي حبيت أقولكم اني رجعت من المنطقه الشرقية بعد ماكنت بنسحق عندكم يااهل الخبر.
وحبيت أشكر كل اللي أفادوني وعطوني معلومات وأسامي للمجمعات والفنادق في هالمنطقه من أعضاء ومشرفين في هالمنتدى الغالي لهم أرق تحية :36_3_16:
الصراحة المناطق الشرقية حلوه وناسها احلى واطيب . وانا هناك تمنيت أشتري أرض وأبنيها. :36_15_24: بصراحة ماقدر أوصف لكم شلون حبيت الحياة هناك وحبيت الخطوط السريعه بس في شي ماعجبني ألا وهو السرعه. يالله شنو متهورين ( ويقولون من وين الحوادث) :36_7_14: ومافي احترام للمرور ( لحد الحين مافهمت ليش يوقفون في نص التقاطع عند الاشارات؟؟؟ )
وأكبر دليل كنت بنداس وأنا أعدي من فندق مدهال في شارع الظهران ( الفندق الي سكنت فيه وكان قمة في الروعه) وكنت رايحه دجاج تكا أتعشا وطبعا كان شكلي شاذ وأنا أمشي بين السيارات قاطعة الشارع حسيت أني وحده من الي كانو يطرون عند الاشارات وكنت بندعم مرتين مره وانا رايحه المطعم ومره وانا راجعه . :36_1_4: :36_1_4: :36_1_4: المشكله الشوارع وسيعه ماشاء الله يعني عبال ماعدي الشارع الاشاره تطفى وتشتغل وانا للحين اتمخطر المهم المطر كان ينقط وحسيت ان الكعب مش مستقر وكنت امشي خطوه خطوه.الي اتذكره انا السيارات تهف من كل صوب ( كنت أتلفت وألعن الساعة الي طلعت فيها من باب الفندق) واسمع سيارت تهرن وكأن السالفه مش لي :36_1_4: المهم وصلت المطعم بسلام والغريب اني مالقيت حريم! هل فيها شي لما الوحده هناك تدخل المطعم لاني ماكنت اشوف حريم هناك وكنت أدور عند الكاونتر عن قسم السيدات بس مالقيت بس مكتوب للرجال حسيت اني في خطر فقلت حق نفسي خذي بعضج وطلعي قبل ماتنطردين ( صارت معاي في احد البنوك الاسلاميه لما دخلت قسم الرجال بلغلط :36_7_8: ) طلبت بسرعه وطلعت وكانت الاشارة واقفه القراده انها ماشتغلت الا لما بديت أعدي :36_3_4: :36_1_29: :36_1_4: والله يهيهم مايراعون موقفي المحرج ولا احد افتكر فيني كان واحد بيدوسني وهو رايح بس قلت يابنت شيلي شلايلج واركضي . الروح غالية وماحبيت اخر مشهد اشوفه تاير سياره. وهذي كانت أول مره واخر مره أقطع فيها الشارع. هذا هو الموقف الظريف الي صار لي هناك أتمنى انه مايتكرر . وبخصوص المجمعات كانت حلوه مره( بالسعودي) وخصوصا المارينا عجبني وايد وانشالله لنا رجعه للخبر والدمام . وأتمنى تكون وجهتي الجاية لمدينة الرياض لأني أموت في تراب هالمكان.
يانجوم الليل سيري واسلكي درب الرياض
واوصلي للي أسرني واطرقي له ألف باب
خبريه اني على ذكرى تراحيل القياض
واني على عهد وثقناه يوم الفجر غاب
تحياتي للجميع

• الأبيات من كتاباتي وحقوق النشر محفوظه