هلا بك والله .. انا اقول لو تروح تشوف الخطوط السنغافوريه
اتوقع سعرها بيناسبك.. الإماراتيه مشكلتها لازم تنزل في سيدني وحتى لو انت ترآنزيت تحتاج فيزا
عشان كذا اغلب الشباب السعودين يسافرون على السنغافوريه
تقريبا سعرها حول ال 7000 ريال
وال أهم من هذا.. انت وين تبي بالضبط في نيوزلندا؟؟ اوكلاند او كؤايست شرج ؟
وبالتوفيق إن شاء الله

السلام عليكم
اخوي
انا حاجز على الماليزيه و طريق الطائره على النحو التالي :
( جده - كوالالمبور - اوكلاند ) ذهاب و عوده في نفس الاتجاه
مقعد واحد سياحي
السعر : 4300 ريال سعودي
مدة الترانزيت 9 ساعات
الاسعار اللي تتكلم عنها خياليه جداً ...!
ارجو انك تفرفر في المكاتب و المحلات
لاني رحت لمكتب يقول لي ( على الماليزيه ب 7200 ريال سعودي ) و مدة التذكره 6 شهور
و رحت مكتب ثاني و قال لي ( 4300 ريال سعودي على الماليزيه ) و مدة التذكره 7 شهور !!!
يعني في نصب في المحلات بشكل فضيع
طبعاً الماليزيه على قولة الشباب " ما عليها خلاف " .
ان شاء الله و بحول الله بعد 8 ساعات من الان تكون التذكره في جيبي
على فكره .. 4300 هذا عرض من الخطوط الماليزيه " حتى نهاية سنة 2009 !! " استغل الفرصه يا صاحبي

معقوله ؟
مشا الله سعر طيب
والله كان الي رادني عن نيوزيلاندا سعر تذكرتها
واحنا نبي اوكلاند وكرايس ماعندنا مشكله في رحله الذهاب بس مشكلتنا مع الترانزيت جربناها العام وتقطعتا من الطفش والتعب ماغير نتسحب بالمطارات خاصه اذاكان الترانزيت حوالي إلى ساعه والسكن في المطار اذا صار فول ولا مبلغ فلكي لكم ساعه من جد شي ممل !
مازلنا محتارين بين نيوزيلاندا والنمسا وبصراحه من العام وانا ودي بنيوزيلاندا بس الي مخوفني رحلتها الطويله المتعبه
طيب كم تعتقدون ميزانية نيوزيلاندا بدون سعر التذكره .. يعني سكن ترفيه واكل وشرب ل أيام بحدود المتوسط ؟!

خيو بالنسبة للخطوط الماليزية حلوة بس على حد علمي ماتوفر لك ترانزيت ../ أنصحك بالسنغافورية وأنت شوف اللي يناسبك
وبصراحة ماعندي خلفية عن النمسا ../ وعلى نيوزلندا أجوائها رائعه والطبيعه ساحرة , واسعارها مناسبة بغض النظر عن
طول الرحلة والتعب يعني تحملو شوي ..
بس غريبة ماخترت مدينة كوينز تاون ؟
أما بالنسبة للاسعار ../
السكن اذا في شقه فالاسبوع مابين 200 $الى 300 $كحد أقصى على حد علمي
مصروف الطعام 105 $ .. مشروبات والشوكلاته 40 $
حظور للسينما 15 $ .. مصروف شخصي 120 $
طبعا هذا أسعار تقربيه لتكلفة متوسطة في أسبوع واحد غير المواصلات طبعا ../
ودي ../

اخوي ...
اعتذر !
اليوم رحت اقطع التذكره ... و قالوا لي :
سعر التذكره بدون ظرايب 4300
مع الظرايب 5800

l dy
الأسعار هذي بالدولار الأمريكي أو النيويلاندي؟
الله يعافيك

m.sultan
افا والله كنت بقولك هل احتسبت الضريبه؟ لأني اتوهق فيها دايم الله يعينك والله قهر..
يعني على كذا لو حصلت تذكرة شخصين بتصير فوق 10 آلاف صح؟
طيب والسكن لعشرة ايام مابين كرايس تشيرتش واوكلاند هل ممكن تكلف 10 آلاف أو آكثر أو أقل ؟

dona6a
بالدولار النيوزلاندي ../
ويآااك أخوي

اضف الى اختي
( الدولار النيوزيلاندي = 2.6 ريال سعودي )
هذا سعر الصرف في جده ... بالظبط ... جده - خلف عمارة الملكه - العامودي للصرافه
اي سؤال ... ان شاء الله نعطيك الاجابه
و ما انسى اقولك ان التذكره لشخصين تكلف فوق 10 الآف ريال سعودي للاسف
بس لا تنسى ان البلد " تستاهل " و بالذات جنة الله في ارضه " كوينز تاون "
و القرار قرارك عزيزي