السلام عليكم
انا رايح يوم الاربعاء القادم ابريل 14 الى الدوحة انا والعيلة مكونة من 6 اشخاص وعندي بعض الاستفسارات:
1- حجزت في السراج اللي في بداية الدوحة قرب حديقة الحيوان هل السكن في هالمكان مناسب من حيث الفندق نفسه ومن حيث الموقع؟ وهل في شي جنبه قريب غير حديقة الحيوان وكم دقيقة من الفندق الى داخل الدوحة؟
2- شنو افضل المطاعم اكلا وسعراً تنصحوني اروح خصوصا انو احنا عائلة ومانبي مطعم باهض الثمن يكون اكله حلو ومعقول وشرح يفتح النفس للغداء والعشاء
3- هل فيه اماكن جلسات حلوة نجلس فيها تصلح للعوائل تكون اخر الليل مثلا نحب نجلس ونسترخي ونشرب شاي او ناكل حلويات
4- هل القدوم يوم الاربعاء مناسب او الخميس افضل بحكم ان في قطر يوم الخميس يعتبر دوام مو مثلنا اجازة في السعودية والا ما راح تفرق لان الشعب يطلع ويروح ويسوي كل شي في الويكند وغيره؟
5- انا في بالي جزيرة اللؤلؤة وسوق واقف والمتحف وحديقة الحيوان وحديقة اسباير هل فيه شيء نقدر نروح له غير اللي ذكرت؟
اتمنى الاجابة من اصحاب الخبرة ويعطيكم الف عافية فديتكم