يا هلا اخوي
اولا الات الصرف الالي انتبه منها ولا تاخذ معاك فيزا انتبه
لو انسرقت هناك بتتوهق الف لان مافيه تعاون من شرطة لندن ولا من البنوك صدقني ..
اختي انسرقت هناك من اللي يوقفون عند الصراف وكثير غيرها
ف لو تاخذهم معاك كاش احسن لك و تحطهم بخزنة الفندق اامن
اما لو بتسحب .. فتختلف من اله لاله
بعض الالات ما تسحب اكثر من 200 جنية باليوم
وبعضها لا عادي يوصل 500
ونصيحه لا تسحب الا بالنهار و تاكد من اللي حولك و من اله سحب عند بنك ..
وانتبه تسحب من البيكاديلي والاجورد رود
ثانيا ايه اغلب الفنادق هناك تاخذ تامين
بس ما عندي فكرة عن فندقك هذا انا سكنت بالكمبرلاند
اما بالنسبة على المدفوعات ادفع لهم كل شي على طول لا تخلي ششي ينخصم من التامين اريح لك واامن
من حركات النصب ..
اما الفطور .. انصح بفطور الارز حلوة فطور عربي صح ..
وعندك كافيه برت منجر بالاكسفورد ستريت عند فندق الكمبرلاند ..
ورحله موفقه يارب

بالنسبه لتجربتي :
ما سبق اي فندق اخذ مني تأمين
ليش ؟؟
لاني احاسبهم بالماستر كارد واذا بغينا نغادر الفندق تحاسبنا.
طبعا الافضل لك استخدام البطاقات الائتمانية ( ماستر كادر او فيزا ) لانها مقبوله في كل مكان وسهلة الاستخدام
وفي حال ضاعت او انسرقت لاسمح الله بامكانك الاتصال على البنك والغاءها فورا قبل خصم اي مبلغ منها

.:: N ::.
هلا بك اخوي..وشكراً على النصحيه..
سفوري55
يعطيك العافيه اخوي وشكراً على اقتراحك..
ام انا حجزت من مكتب سياحي
فلو طلبوا تأمين ينفع اعطيهم رقم بطاقتي الفيزا احتياط كتأمين من دون الكاش؟
وش رايكم؟؟

طبعا انت ما تعطي المكتب اي تامين
فقط عند الفندق اذا طلبوا تامين تطعيهم بطاقة الفيزا وعند الخروج من الفندق تستلم الايصال اللي عندهم وتحاسبهم
على فكره انا حاجز في نفس الفندق بعد العيد مباشره

اول شي يامرحبا بالجميع وتنورون لندن وثاني شي بالنسبه للفنادق تعامل معاهم بالفيزا او الماستر كارد او اي بطاقه ائتمانيه وثالث شي احسن فندق من ناحيه الموقع كمبرلاند وتقدر تحجزه عن طريق النت وماله داعي المكاتب او الوسطاء وسلامتكم

السلام عليكم ورحمة الله وبركاته
بالنسبة لحد الصرف الأعلى ، وبحسب تجربتي
فأعلى مبلغ أمكنني سحبه ( 790 ) بازند في اليوم
أما الأماكن التي تم تجربة الإفطار بها غير مطعم الأرز
فهناك مطعم ( بابل ) في بادنتون، والشخص ب ( 13 ) باوند، وتعامله جدا راقي..
وجربت اليوم مطعم آخر في بادنتون ،،، مطعم هندي حلال، نسيت اسمه، لكن تجدونه قبل فندق indjgo بخطوات
وأيضًا هناك مطعم لبناني في وست فيلد.
أرجو أن أكون قد أفدت
تحياتي

تقدر تسحب على كيفك بس اظن في كل عمليه لازم 590 وطلع البطاقه اسحب 590 ثانيه او اقل مافي مشكله

:3ocn4:هلا فيكم جميعاً وشكراً على ردودكم الحلوة
سفوري55
شكراً اخوي يعطيك العافيه ماقصرت وإن شاء الله تكون أجواء لندن حلوة لما نجي
مزااجي:
يعطيك العافيه اخوي ماتقصر شكراً
ومض ونبض:
يعطيك العافية اخوي على المعلومات ..ألف شكر ماتقصر ان شاء الله نجربه
london girl:
يعطيك العافيه اختي ماتقصرين شكراً جزيلاً
طيب فيه أحد عنده خبر كم أقصى مبلغ ممكن الواحد يدخل فيه لمطار لندن هيثرو من الدون الحاجه للإفصاح عن المبلغ؟ يعني كم باوند تقريباً؟ او مايعادل كم؟
وشكراً جزيلاً لتفاعلكم

اصلا محد في المطار يسالك بس انا اللى سمعته انه بما يعادل 60 الف ريال سعودي