هلا الغالي والله ما عندي فكرة عن محلات البيع المخفض ان شاء الله راح أسأل لك وأرجع لك بالخبر , بس عندك الأسواق الشعبية بشكل عام عندها الماركات المخفضة اللي أعتقد إنك تقصد ماركات التقليد , تحصلها في سوق واقف بمدينة حمد وفي شارع الزبارة في القضيبية كذلك سوق باب البحرين في المنامة وسوق المحرق الشعبي وسوق مدينة عيسى الشعبي , بس بصراحة خبرتي بسيطة في مثل هالنوع من المحلات أتمنى أحد الأخوان الإفادة ,
أما بخصوص فندق الراية سيويتس أول شي اختيار موفق , ثاني شي يقع جنوب ضاحية السيف وبالإمكان المشي إلى مجمع السيف يمكن يبي لك حوالي من 20 إلى 30 دقيقة مشي على الأقدام عشان توصل مجمع السيف , مو لأن المجمع يبعد مسافة كيلومتر واحد عن الفندق فحسب , إنما هناك شارعين سريعين يفصلان الفندق عن المجمع , وعلى أساس إنك تنتقل من طرف إلى طرف آخر في الشارع , بالإمكان العودة إلى الموضوع المثبت في البوابة وهو المعني بالمرافق السياحية بمناطق العاصمة والتعرف أكثر عن فندق الراية سيوتس ,
أتمنى أكون أفدتك ولو بشي بسيط ,

يعطيك العافيه اخوي ،
لكن كنت أسئل عن الماركات الأصليه لكنها تكون قديمه و مخفضه ، مو التقليد
،،
و هل فيه شقق فندقيه قريبه من السيف أو العالي ، غير فريزر و ميركوري
و برضو هل فيه شقق فندقيه قريبه من سيتي سنتر ، أقدر أروح لها سواءً مشي أو سياره ؟