عيد الفطر بيكون في سبتمبر .. الجو بيكون بارد بس حلو .. مو برد يعني..
تقسيمك حلو .. و لو ناويه تطلعين برا جنيف زيدي المده .. عندك مونترو و لوزان و انسي و شامونيه و قطار الشوكلاته
الافضل تحددين الاماكن اللي تبين تزورينها في كل مدينه و على اساها تشوفين كم يوم تستاهل

رحلة موفقة

انصحك تمرين في 8 ليالي الباريسية

بروكسل ...بالقطار ساعة وربع
أسم المحطة Gare Du Nord واحجزي هناك على محطة Bruxelles-midi
أعتقد كل نص ساعة تقريبا فيه قطار
بتلاقين 3 شركات هي Eurostar ,Thalys and TVG احنا نروح على Thalys

أدخلي الرابط فيه اسعار القطار من باريس لبروكسل
http://www.eurorailways.com/products/premier_trains/thalys/parbru.htm?source=y-pp-thalys&OVRAW=train%20from%20brussels%20to%20paris&OVKEY=train%20from%20brussels%20to%20paris&OVMTC=standard&OVADID=499730022&OVKWID=1414776022
وعلى طول من المحطة على ساحة الجراند هيل حلوة وكلها محلات وتمشي
ومحلات الشوكلاتة والحلويات منتشرة بس اهم شيء انتبهوا من الشوكلاتة ماتكون بالكحول

هذي الروابط بتفيدك
https://artravelers.com/p/re/242790
وجنيف

على فكرة قطار جنيف مرة كئيب عكس بلجيكا ...يعني تحيلي واحنا درجة اولى الاكل بفلوس تشترينة
عشان كذا تسوقوا حلويات وشوكلاتة وعصاير للقطار

لازم تجربون مطعم الروشه اللبناني قريب من فندق الوارويك يعني في شارع لوزان
و مقابل محطة القطار اللي مقابلة بالضبط فندق الورويك
والمطعم الايطالي مورينو المقابل لمحل جلوبس
وكذلك تمرين منور ...وفي قسم خاص بالشوكلاتة السويسرية تنفع هدايا وعلى فكرة التسوق في جنيف جدا ارخص من باريس
انصحك تمرين جلوبس وتشربين عندهم كوفي وطبعا تبدين دور دور للتمشي والتسوق فيه حلو

اختي Qatar 2007 بصراحة اقتراحك مرة عجبني ، و دخلتي الفكرة في راسي ، دام ان المسافة قصيرة اروح و ارجع بنفس اليوم ... انا كنت ناوية اروح جنيف ليلتين بس الحين اخليها ليلة جنيف و ليلة بروكسل ...
بس احتاج خدمة منك ،، الله لا يهينك ،، دام انها صارت ليلة في جنيف و ليلة بروكسل ( و انا ما ادل فيهم اي شي عكس باريس ) احتاج تعلميني محطات الوصول انا اختارها ولا هي وحدة بس ؟؟؟
و اذا انا اختارها اختار اي محطة في كل مدينة ؟؟
و في كل مدينة وين احلى مكان اقدر اروحله ، الاماكن في جنيف ممكن تكون رحلة سياحية للجبل او كذا بس ما اعرف وين احلى شي ، بس انها تناسب رحلة يوم واحد فقط ، اذا ما ينفع رحلة سياحية اقترحيلي مكان اروحله في جنيف يكون مميز ..
و في بلجيكا ابغى ساحة فيها كل شي ( اسواق ، مناظر ، حديقة مثلا و اهم شي الشوكولاته ) لانه يوم واحد فقط ...
و الله لا يهينك علميني كيف اروح الاماكن الي بترشحينها لي من محطة الوصول ..
مشكورة مقدما حبيبتي ...

sereemjio
اشكرك ...واجمل تحية لك ورحلات حلوة وميسرة من الرحمن
طبعا من باريس لبروكسل
من غاردي نورد الى محطة ميدي نفس ماحطيت لك بالصور
ومن المحطة خذي تاكسي ومثل ماقلت لك على طول ساحة الجراند هيل
فيها كل شيء وناسة ومتعة كوفي شوبات ومحلات ومطاعم وتسوق
وشوكلاتة ...طبعا منها تقدرين تمشين وتدخلين من مول الى مول وحركات
طبعا انا انصحك بس من بروكسل الشوكلاتة وبس والتسوق خلية في جنيف اذا يمديك
وانصحك تاخذين اول قطار لبروكسل او اللي يطلع 8 الصبح حلو عشان توصلين يكون كل شيء فتح
اما جنيف فتطلعون من باريس محطة قار دي ليون طبعا - Paris Gare Lyon
والمدة 3 ساعات و22 دقيقة
وعلى حسب القطار ووقفاته تختلف المدة التي تصل الى 3 ساعات و 53
عشان كذا ابحثي عن اقصر مدة
بواسطة القطار السريع (جدا) TGV
كل ساعة قطار
لشراء التذاكر والإستعلام عن جدول الرحلات ومواعيدها هذا الرابط بفيدك
http://www.raileurope.com
انصحج بلوزان سوقها احلى و مكانها متوسط بين جنيف و مونترو الجميله
جنيف نصيحة لفي في بوابة سويسرا وبتحصلين اسماء مراكز التسوق وخذي لك جدول ممتع

اشكرك ...واجمل تحية لك ورحلات حلوة وميسرة من الرحمن
طبعا من باريس لبروكسل
من غاردي نورد الى محطة ميدي نفس ماحطيت لك بالصور
ومن المحطة خذي تاكسي ومثل ماقلت لك على طول ساحة الجراند هيل
بكم التاكسي من المحطة الى الساحة ؟؟ و اذا عندك صور للساحة او اسمها بالانجليزي الله يعافيك تكتبينه ..
فيها كل شيء وناسة ومتعة كوفي شوبات ومحلات ومطاعم وتسوق
ايش المميز في بلجيكا عشان اشتريه من هناك غير الشوكولاته ؟
وشوكلاتة ...طبعا منها تقدرين تمشين وتدخلين من مول الى مول وحركات
طبعا انا انصحك بس من بروكسل الشوكلاتة وبس والتسوق خلية في جنيف اذا يمديك
اسواق جنيف ارخص من باريس ؟
وانصحك تاخذين اول قطار لبروكسل او اللي يطلع 8 الصبح حلو عشان توصلين يكون كل شيء فتح
اما جنيف فتطلعون من باريس محطة قار دي ليون طبعا - Paris Gare Lyon
والمدة 3 ساعات و22 دقيقة
وعلى حسب القطار ووقفاته تختلف المدة التي تصل الى 3 ساعات و 53
عشان كذا ابحثي عن اقصر مدة
بواسطة القطار السريع (جدا) TGV
كل ساعة قطار
لشراء التذاكر والإستعلام عن جدول الرحلات ومواعيدها هذا الرابط بفيدك
http://www.raileurope.com
انصحج بلوزان سوقها احلى و مكانها متوسط بين جنيف و مونترو الجميله
طيب يمديني اروح لوزان من جنيف و ارجع بنفس اليوم ؟ ولا اروح باريس لوزان ؟
جنيف نصيحة لفي في بوابة سويسرا وبتحصلين اسماء مراكز التسوق وخذي لك جدول ممتع
انشالله بالف في البوابة بس ابغى على ذوقك احلى شي في جنيف ... تسلمين يالغالية ..
و انشالله رحلة عيد الاضحى بنخليها في قطر ،، و ما نستغنى عن نصايحك لاني بروحلها اول مرة...

sereemjio
تنورين قطر والله وابشري بعزك وسعدك ...تامرين امر
وفي جنيف انصحك تتسوقين زين مازين يعني محل هيرمس عجيب وكل شيء موجود
طبعا الرولكس يهبل وارخص بكثير من عندنا بالخليج ومن لندن بس عشان التاكس
يعني انا تسوقت كثير من محل غلوبس وخصوصا حق عيال اختي واخوي من الماركات السويسرية اللي مافي منها بالخليج ...وكذلك من مانور والله تشرينا كثير وخصوصا الشوكلاتة السويسرية عجيبة ورخيصة مرة
كانت كل هدايانا والصوايغ شوكلاتة يعني جهزوا شنطة كاملة,و محل بون جيني فيه شنط وملابس وعطور
او من شارع الماركات في جنيف في rue de rhone

qatar2007

• بكم التاكسي من المحطة الى الساحة الي في بلجيكا ؟؟ و اذا عندك صور للساحة او اسمها بالانجليزي الله يعافيك تكتبينه ..
• ايش المميز في بلجيكا عشان اشتريه من هناك غير الشوكولاته ؟
• هل احناج اغير عملة في بلجيكا زي جنيف ؟
• اقدر اروح لوزان من جنيف و ارجع جنيف - باريس في نفس اليوم ولا يصير زحمة ؟؟

sereemjio
هذي صور القطار من داخل والوجبة اللي احنا كنا طالبنها حلال ونباتية

والله ماذكر بس ماهو كثير ...
وهذي مجموعة صور لساحة الجراند هيل
وطبعا حولينها كله مطاعم وفنادق ومقاهي ومحلات الشوكلاتة

وهذي بقطات لبعض محلات الحلويات والايس كريم في الجراند

وهذا قريب من الساحة لازم تجربينة عندة فروع منتشرة في كل الساحة اكلة لذيذ

لا الغالية ماتحتاجين اليورو هو المستخدم عادي
عادي تقدرين طبعا سهل

مشكورة ما قصرتي ، مانستغنى عنك في استفسارات ثانية ...