1. وراح تكون مدة إقامتي مابين الشهر إلى الشهر ونصف إن شاء الله


2. الآن أنا محتارة في بعض الأمور :


3. أتمنى ترشحون لي المدن أو الولايات الغربية اللي لها طبيعة حلوة !!

السلام عليكم ورحمة الله وبركاته
في البداية أحب أشكر إدارة وأعضاء هذا الصرح العملاق اللي ياما استفدت منه في سفراتي مع إني ماكنت مسجلة في المنتدى لكن الكم الهائل من المعلومات اللي لقيتها أغنتني عن التسجيل
والشكر قليل في حقكم
المرة هذي اضطريت أسجل لأني عندي كم استفسار مالقيت جواب لها في المواضيع اللي اطلعت عليها بخصوص أمريكا
الصيف الجاي بإذن الله راح تكون رحلتي الأولى لأمريكا واطلعت على الكثير من التقارير اللي استفدت منها بصراحة
بعد اطلاعي على التقارير قررت تكون وجهتي السنة هذي للغرب الأمريكي

وراح تكون مدة إقامتي مابين الشهر إلى الشهر ونصف إن شاء الله

الآن أنا محتارة في بعض الأمور :

1/ السكن : أنا حابة تكون إقامتي في كل منطقة بالأسبوع وبحثت عن نظام لتأجير الشقق بالأسبوع لكن للأسف مالقيت مع إني في أوروبا كنت أعتمد على هالنظام اللي مريحني جداً لأني ما أحب التنقل اليومي ويهمني أتعرف على المدينة اللي أنا فيها وآخذ راحتي فيها ..
فهل فيه إمكانية استئجار شقة أو كوخ من عائلة بالأسبوع !! إحنا عائلة من ست أشخاص
2/ تحديد المناطق : بالنسبة للمدن والأرياف اللي حابة أستقر فيها يهمني بالدرجة الأولى إنها تكون ذات طبيعة ساحرة وأجواء استرخائية أكثر من كونها مناطق شوبينق أو ترفيهية لأن مثل هالأماكن ممكن أمرها مرة في الأسبوع ويكفيها لكن إقامتي أحب تكون في منطقة هادية وطبيعتها حلوة ..

أتمنى ترشحون لي المدن أو الولايات الغربية اللي لها طبيعة حلوة !!

3/ بالنسبة للطيران فراح يكون على الخطوط الإماراتية ,, ما أدري إذا عندكم نصايح بخصوص توقيت الحجز وقص التذاكر هل فيه وقت معين تكون الأسعار عالخطوط الإماراتية أرخص من أوقات ثانية ,, مع العلم إن تاريخ الرحلة راح يكون في نصف يونيو إن شاء الله ,,
المعذرة على الإطالة وشاكرة لكم فزعتكم مقدماً ,,