GCC-Queen
14-12-2022 - 07:20 am
السلام عليكم
أخوني أنا حاب أسوق سيارة من زلمسي الى سالزبوغ و من سالزبورغ الى انترلاكن بس ابي الطرق الى الغير جبلية لانه لامانه معاي مرا عوده تخاف من المرتفعات؟
1- الطرق السريعه من زلمسي الى سالزبورغ؟
2-الطرق السريعه من سالزبورغ الى الى انترلاكن؟ مع ذكر المناطق الى راح امر عليها لانه باخذ يوم راحه قبل لا أكمل سياقه؟ لانه بضبط القارمن بعد كل مدينه أوصل لها
2- هل اغير القارمن من الأقل زمننا الى الطرق السريعه ؟
3- لاهنتو شنو أسماء الفنادق النظيفه على الطريق الي تنصح للعوائل الاسلامية؟
4-تنصحوني اسلم السيارة في انترلاكن (خصوصا انا ماجرها من ميونخ) و بعدها رايح فرنسا و الا اسمها في فرنسا؟ وهل الضريبة تتختلف؟
جزاكم الله الف خير
1- الطريق بين زيلامسي الى سالزبورج سريع ومافيه مرتفعات فقط اضبط الجارمن على الطريق الاسرع
2- الطريق بين سالزيورج وانترلاكن طويل
وافضل طريق ومافيه جبال هو المرور على ميونخ ثم بريغينز ثم زيورخ ثم بيرن وبعدها الى انترلاكن
وهذي الاحداثيات اللي ممكن تضعها في جهازك
احداثية على الطريق السريع بالقرب من ميونخ
n 48° 07.463 e 11° 24.121
احداثية بريغينز اللي ممكن ترتاحون فيها يوم وتبعد عن سالزبورج 3 ساعات
N 47° 30.226 E 009° 44.622
من بريغينز ممكن تحطون احداثية بيرن والطريق لها سريع
وهذي الاحداثية على الطريق السريع وقبل ما توصلون لها بدقايق حطوا احداثية انترلاكن
احداثية بالقرب من بيرن
N 46° 59.425 E 007° 28.697
واحداثية انترلاكن N 46° 41.027 E 007° 51.126
3- بالنسبة للفنادق ممكن تشوفون موقع بوكنج وتختارون اللي يناسبكم منه
واقترح عليكم السكن في مدينة بريغينز النمساوية Bregenz لانها في وسط الطريق بين سالزبورج وانترلاكن
4- يعتمد على وجهتكم وين بتكون في فرنسا اذا كانت باريس
فالافضل تسلمون السيارة في بازل او زيورخ او جنيف ومنهم تاخذون قطار مباشر لباريس
او ممكن تسلمونها باريس اذا اردتوا والمسافة تقريبا 6 ساعات من انترلاكن