:smile002:

زيارة قمة كابرون كانت بمثابة حلم صعب تحقيقه ..وخصوصا مع افراد اسرتي اللي يكرهون التلفريك والمرتفعات واللي كانو رافضين الرحله لقمة كابرون حتى قبل لانوصل زيلامسي وقبل لانروح للنمسا
لكن مع اصراري والزن المستمران تيسرت الامور واخيرا حنو علي ورضن خواتي يخاطرن ويركبن معاي التلفريك وواحد من اخواني عقب موت طاع :36_1_13:
وعزمنا وتوجهنا لمنطقة كابرون القريبه من زيلامسي 10 دقايق وتكون في محطة التفلريك..
ويوم وصلنا اخوي تراجع وقال انا هونت ومافيني عالمرتفعات بس عشان خاطرج ييت لين هنيه وسيرن انتن وانا بترياكن في الكوفي اللي في المحطه ..وتراجع اخوي ماردني عن تحقيق حلمي في ركوب التلفريك :36_1_24:
والوصول لقمة كابرون والتمتع بجمالها ..وبالفعل شجعت خواتي وتوجهنا للتلفريك بعد ماقصلنا اخوي التذاكر..وتوكلنا على الله

وبدأ اجمل حلم ..:36_15_17:
ونحن راكبين التلفريك كان الخوف مسيطر على خواتي لدرجة انهن من الخوف تمن يطالعن تحت واللي مغمضه واللي خايفه لايطيح التلفريك فلم فلم ههه وانا في قمة السعاده والمتعه
وكان راكب معانا شيبه الماني وعيوزه (حرمته) قعدنا نسولف معاهم لين وصلنا حليلهم طيبين ومثلنا اول مره يزورون قمة كابرون ..
وعدينا اول محطه ووصلنا الثانيه اللي توصل القمه والخوف بدا يتلاشى وفي هالتلفريك خواتي تخلصن من الخوف وطبعا بتشجيع مني :36_7_8: ..قعدت اقولهن طالعن المناظر اللي ماتتفوت والطبيعه الخلابه من فوق شي خيال سبحان الخالق.. صور فأبدع ..والحمدالله وصلنا اخر محطه والقمه اللي عشنا فيها اجمل اللحظات
الحين اخليكم مع كوكتيل من الصور واجمل حلم ..قمة كابرون..
متعه مابعدها متعه..وكان الجو بارد:36_15_6:
:36_1_21:
صور لزيلامسي من قمة كابرون

وباقي الصور للقمه الثلجيه

وهذا كهف موجود في القمه

وهذا الكهف من داخل

وهذي بحيره صغيرونه صورتها واحنا نازلين من القمه ..

وأختم هذا الحلم بهذه الصوره

اتمنى ان هالتقرير المصور البسيط والمتواضع نال على اعجابكم ورضاكم
والسموحه عالقصور
اختكم
الامارات