سلام اخوي المستغرب بانتظار باقي القصة الرحله 2005 ويبدو اسلوبك في الكتابه مشوق بنتظار التقرير

أخوي المستغرب
قصة مشوقة بس ماكملت ولا بعد ماتجي بالسلامة معلومة الديرة اهبال ترتاح وتمبسط فيها اسألني عنها 13سنه وانا اروح لها حتى لغتهم تمكنت منها ونبغيت مساعدة فاأبشر أخوك مستعد ؟؟؟

1. الجزء الثاني

ياهلا ومرحبا بلأخوان وااللي ردو واللي ماردو وشرفتونا

الجزء الثاني

وين كنا ايه المهم يوم طلعنا المطار والله ونوصل بسلامه للمطار ونشوف ذا الزحمه على الكونتر واكثرهم شغالات قلت والله لبو فهد قلت اخاف نروح اندنوسيا مافيها احد اهلها الظاهر كلهم في السعوديه ههه
والله وطلعنا على الطياره ويوم نجي للدرجه السياحيه الى والله نصها فاضي والمكتب يقول فل المهم انا خسرنا شويت فلوس بس بعدين حسيينا بقيمت هالفلوس لانا الرحله طويله ومتعبه والدرجه السياحيه كراسيها صغار ووللي متان وجثث ماتنفعلهم المهم اول ماركبنا الطياره على طول نوم انا واابوفهد وبعد النومه الحلوه قمنا على صوت المضيفه تقول لو سمحت عدل الكرسي عشان بنهبط بعد شوي واربط حزام الامان قال ابوفهد طيب ماعندك اكل الحين قبل ما نهبط ههه وانا اكرها ضحك قلتلها يابن الحلال الحين بنشوف لنا اكل في المطار قال طيب ونزلنا المطار والله ونطلع الفيزا ونختم الجوازات وبخشش في الجوازات ونروح نبي شي ناكله مالقين مطاعم قلت لبو فهد لانظيع خل ندخل الديره ازين وحنا ماشين في المطار قال واحد من الاندنوسيين تبي اوتيل في مكتب اسمه كاها على ما اعتقد قلنا خل نشوفلنا اوتيل والله ونطلع على كم فندق قلت انا وش ازين فندق قال في فندق اكاسيا ممتاز مره قلنا يالله نروح عطنا فيه يومين نجرب والله ونصرف فلوس عاد اول مره تشوف الفلوس واجد بل الملايين المهم ونعطيهم فلووس الفندق وناخذ بطاقات الموبايل من عنده ونطلع بره نشوفلنا تكسي قابلنا واحد وقال ب ميتين الف التوصيله جلسنا نحسب طلعت حول 90 ريال قلنا يالله توكلنا على الله ونجلس في الطريق ناظر الشوارع والمناظر الحللوه لين وصلنا الفندق ويوم وصلنا الفندق على طول نزلنا الاغراض وقلنا خل نروح نتمشى في الشارع وشوفلنا مطعم والله فعلن تمشينا وقابلنا واحد قال في مطعم اسمه حضرموت قريب ومره حلوه فيه مندي قال ابو فهد هذا الكلام مندي احلى شي يالله ورحنا على رجولنا لين وصلنا المطعم ونطلب نفرين على بالنا في السعوديه ثم جت شوي النفرين قلنا للي في المطعم جب نص تيس بس خل ناكل زين ورانا استكشاف والله وكلينا الحمدلله وشبعنا ورحنا على الفندق سواليف وتسدح ثم نوم
الباقي قريباً

المستغرب
هلا بالمستغرب
قصتك جدا ممتازه وذكرتني باول رحله لي واحسن رحله لي 1/8/1998
ولا راح ترجع ذيك الايام

ممتاز يعطيك العافية .....