saif.n
17-12-2022 - 01:52 am
السلام عليكم ورحمة الله وبركاتة,
انا قرر السنة السفر الى الارجنتين - رحلة شبابية لاستكشاف هذي الدولة والتنقل بين مدنها بالطائرة. الرحلة مخطط لها في شهر 3 اذا ما حلفني الحظ بروح في شهر 11 ومدة السفرة 15 يوم وهذي بعض المدن الي حاب اروح لها:
(Buenos Aires, San Carlos, Rio Gallegos, Ushuaia)
والسفر من الامارات الى بيونس ايرس اما القطرية او الامارات
حبيت اخذ رايكم هل في امان هذا البلد لاني سمعت في استغلال للسياح والحياة اغلى من اوربا!! وبالنسبة للتوقيت السفر هل هي صحيحة وكم مدة السفر.
واسمحلولي لكثرة الاسئلة لاني ما حصل موضوع متكامل في المنتدي قريب من رحلتي والدول امريكا الجنوبية تقاريرها لاتقارن بماليزا او اوربا. ولاني احب اخطط الرحلة بشكل كامل قبل السفر وما احب اعتمد على مكاتب السياحة
وشكرا للمرور
أولا أحب أن أهنئك على إختيارك الجريء والجميل .. الأرجنتين أرض التانغو
طبعًا .. أتوقع إنها حتكون تجربة جدا حلوة ..
بالنسبة للأمان .. فالبلد أمان أمان .. والشعب جدا حبوب ..
بس عاد تعرف انزل وخليك زي الشعب .. لا تتفشخر وساعات غالية ومدري كيف ..
عايدي خليك عايدي ..
بالنسبة لغلاء الأسعار ... عملتهم اسمها البيزو .. الدولار الواحد يساوي حوالي 4 بيزو
الاسعار متوسطة لا غالية ولا رخيصة ..
بالنسبة للأكل .. إذا تبغى أكلتهم المشهورة " أسادو" تلاقيها في حدود 50 إلي 80 بيزو
بالنسبة للفاست فود زي ماك وبرجر كنج الوجبة في حدود 30 بيزو
بالنسبة للسكن .. تسكن في بيونيس آيرس فندق 4 نجوم محترم وحلو ونظيف حوالي حدود من 100 إلى 200 دولار لنفرين ..
وإذا تبغى أرخص بس أقل نجوم تحصل ..
بالنسبة للسفر .. خذ القطرية وانت مغمض عيونك ..
أما بالنسبة لتاريخ السفر فكلها مناسبة على حسب أنت اش تحب .. الجو البارد أو الحار ..
وبالنسبة للمدن
عندك بيونيس آيرس مدينة حلوة بحكم العاصمة وفيها اماكن كثيرة تستحق الزيارة ..
سواء من أسواق أو عروض أو حتى متاحف وغير كذا كثير !
وبالنسبة لمدينة SAN CARLOS DE BARILOCHE مدينة حلوة .. أو بالأصح فهي أشبه بالقرية .. أجمل ما يميزها جوها الطبيعي الخلاب خصوصا وقوعها على بحرية ناويل وابي .. المدينة هذه حقها من يومين إلى ثلاث أيام ..
فيها طبيعة خيالية .. مدينة بسيطة متواضعة ريفية .. مقصد السياح الأجانب خصوصا وانها تملك مكان تزلج يصنف من أفضل الأماكن للتزلج .. جوها بارد .. عيبها انو الهواء يكون قوي فيها خصوصا في شهر 3 ..
أما على شهر 11 فبداية الصيف لكن المدينة هذه لا تملك صيف فجوها ممطر بارد طوال السنة مثلج أغلب السنة .. وفيها الرافتنج rafting ممتع وشيق
وبالنسبة Ushuaia .. فهي كما يسمونها الارجنتينيين .. نهاية العالم .. هناك تجد نهاية أمريكا الجنوبية ونهاية الحياة البشرية .. فقط هذه ما يميز هذه المدينة .. لا تعطيها اكثر من يومين !
أما Rio Gallegos فما أنصحك تروح لها .. لكن في منقطة مشهورة قريبة منها اسمها El Calafate واتوقع انك تقصد هذه .. وهيا عبارة عن قرية ما يميزها الجليد الكبير ومنظر المدينة الغريب مع شدة البياض .. منطقة حلوة تستحق الزيارة وكمان يومين كافيه لها
وإذا تبغى اماكن ثانية حلوة .. عندك مدينة Puerto Madryn مدينة حلوة إذا بتروح لها في شهر 11 .. لأنو اللي يميزها الدلافين والحوت تلاقيها منتشرة .. على البحر وتروح في رحلة بحرية تشوف المناظر الحلوة للحيتان .. لا تخاف حتعجبك
وفي اماكن ثانية ..
وأي خدمات نحن حاضرين
تحياتي