الكويت ديرتي
16-09-2022 - 07:12 am
السلام عليكم ... لو سمحتوا اول مره بطب اوربا ... عمري ما فكرت اروح غير لندن
الحين بخاطري اروح المانيا و النمسا ... بس قبل لا ابلش البحث حابه اعرف ... رحله لمدة 15 يوم
مكونه من شخصين كبار و شخصين 9 و 8 سنين اطفال ...
كم لتكون التكلفه الاجماليه للرحله من غير تذاكر السفر الاساسيه ؟؟ يعني ابي اعرف المسكن و الاكل و السياره
او المواصلات .. و مثلا تذاكر العاب متاحف هل اشياء
يعني ميزانيه اساسيه من غير تسوق و من غير تذاكر و اكون شاكره لكم .... و بناءا على كلامكم يا اكمل البحث يا اوقفه ... بليز ابي ميزانيه متوسطه يعني اذا فنادق عادي باوربا 3 او 4 نجوم بس تكون نظيفه او اذا الشقق ارخص مافي مشكله
و لكمكل الشكر
بعني يبقى المصرف .. بحدود 150 يورو باليوم شامله كل شيئ وممكن تقل ايضا على حسب النشاط اليومي . وممكن تزيد بشكل بسيط لو اضفنا تنقل بين المدن لكن بأي حال من الاحوال لا تتعدى 200 يورو .. يعني بحدود 85 دينار باليوم جيده جدا لانكم معاكم اطفال
تأجير السياره يعتمد على نوعها ومميزات الحجز لكن تجد من 20 يورو الى 40 يورو .. على حسب الحجم والنوع
اما بخصوص السكن .. يعتمد على موقع الفندق ونظافته ولا تحاتي بنختار لك فنادق ممتازه و4 نجوم وبالسنتر .. والسعر بختلف طبعا .. لكن ممكن تسكن بشقق ايضا كونكم عائله واعتقد بتكون اريح لكم ..
المخطط الافضل للرحله هو 4 ايام بفينا و3 ايام بسالزبورخ و5 ايام بزيلامسي و3 ايام بميونخ للتسوق وزيارة المعالم القريبه .. ..
لكن عطني ولو بشكل تقريبي كم ميزانيتك من غير التذاكر والتسوق ؟؟
حتى نكون على وضوح ؟؟