سرد رائع يا سوسو
متابعين معك الخفايا والتفاصيل ...

اسلوب اكثر من رائع
تحياتي

بس ياليت يكون مدعم بالصور .
يحيتي لك..

رائع, وبداية جميلة أرجو الإكمال
تحياتي
killer_4you

حمدالله على السلامة وجدا رائع .

نتمنى لكم طيب الإقامه في أم الدنيا

1. اكمل لكم اليوم الثاني

السلام عليكم ورحمة الله وبركاتة
مشكورين علي المرور ويعطيكم الف عافية اعزائي ..........وتحية خاصة الي مشرفنا مشرف الحبيبة مصر

اكمل لكم اليوم الثاني

استيقظنا حوالي الساعة 7صباحا وكانت اشكالنا جدا غريبة (من السهر طبعا)اغتسلنا وبدلنا وانطلقنا الي الشارع وكانت الساعة 8ص ذهبنا الي شبراوي لتناول وجبة الفطور نظرا لضيق الوقت وهو اقرب مطعم للبيت وكنت ارغب بالذهاب الي الاهرامات قبل الحر فوجدت شعب مصر باكملة عند شبراوي (هم فول وفلافل)طلبنا سندويشات واكلنها بالتاكسي اخذنا التاكسي عن طريق الدائري وصلنا الهرم في 10دقائق فقط ونظرا لاني اجيد اللهجة المصرية بدرجة 99,9 % طفشت راعي التاكسي واتفقت معاه ينتظرنا واكل معانا فول وكان شخص جدا محترم (ابو علاء)دخلنا اخذت التذاكر وتوجهنا الي الهرم الاكبر واذا بابني يطلب مني دخول الهرم من الداخل حاولت اقناعة انة لايوجد شي بالداخل والمكان مظلم ولاهواء فية رد:مايخالف ندش له(ورطة)وصراحة انا محرجة اقولة اني مااقدر ادش (مسويا روحي شجاعة)فتوجهنا الي بوابة الهرم وانا ادعوالله في قلبي ان نحصلة مغلق للتحسينات مثلاا او يكونوا منعو دخول الكويتيين (الصدمة ان كان في اجانب وايد داشين طالعين)وانا خطوة للامام و10للخلف وصلنا عند البوابة انا بالامام وخلفي اليهال فقالي الحارس ياهلا منورة مصر فسألتة اية اخبار خوفو لسة مفيش هوا...........ضحك وانا علي وشك الاغماء وفجاءة نظروقالي لاا دول صغار مينفعش يدخلو انتي بس ادخلي (وكان نفسي ساعتها ايبب من الفرحة)وقلتلة لاا انا دخلتة وايد بس علشان اليهال قال ممنوع حتي اقراي التنبيهات.....وكان ساعها نفسي ابوس ايدة انة انقذني من الموقف السيئ اللي كنت فية..........اقترحت عليهم نروح للاسطبلات ونركب خيل لان التاكسي معنا (عندي لسان يبيلة قطع واقتراحات زي وجهي)اتجهنا الي الاسطبلات وكان في اسطبل اعرفة من ايام الدراسة لاني كنت مدمنة ركوب خيل (وارجو التركيز علي كنت)هالكلام قبل 10 سنوات طلب ابني الكبير حصان فسالني السايس بتعرفي تركبي خيل يا مدام قلتلة افا ترا اعجبك خيالة انا مو اي شي (علي اعتبار ما كان)وراح صاحبنا وقالي انا عندي طلبك ورجع ومعاه حصان اعلي من سيارتي مرتيين وقالي انا عارف طلبك وحزبطك دا رعد اركبية وادعيلي اتفقنا علي السعر حصانيين وكرتة للبنات وابني الثاني لانة يخاف بس يعترف (وهذا احسن شي)ركبنا وتوجهنا بخطوات خفيفة من عند الاسطبل الي الرمل وصاحبنا عطا رعد خيزرانة (اسمحو لي يا لهوي)طار رعد وانا علية من هول الصدمة ما عرفت اتصرف وين (البريك)(فرامل) اي شي ماكو عمك اصمخ ونظرا لاني طوال ال10 سنوات لم اركب غير السيارة خطر علي بالي (السيدبريك)سحبت ايدي وتوقف رعد وانا نزلت من علية وجميع اعضاء جسمي ترجف اخرجت التليفون علشان ادق علي اليهال اطمن عليهم وينهم (لاني كنت حاسة اني وصلت الي حدود مصر)وماقدرت من الرجفة (والله) جلست علي الارض لاستجماع قواي لان مفاصلي سابت من الخوف ليقيت السايس جاي من بعيد قلت في نفسي انا لسة بمصر احمدك يارب قالي(اية رايك عجبك مية مية صح)وكان الرد كالاتي (مية عفريت ياخذك وياخذ رعد فوقك)رد لية كدة يامدام اناقلت حتزبطيني فالاكرمية طب اركبي علشان نرجع وحخلية يمشي شويا شويا (قلت والله ما اركبة لو حيزحف مو يمشي)وركبت الكرتة مع اليهال ورجعنا (دفعت 35جنية للكرتة-و40 علي الحصانين)ركبنا التاكسيورجعنا الي البيت وولدي الصغير ميت ضحك علي حاسبت التاكسي 40جنية وصلنا البيت وكنت تعبانة حيل طلبنا الغدا من عند فرحات (جسر السويس)وما ادراك ما فرحات طلبنا حمام محشي بالفريك وكفتة وحمام مشوي 12حبة حمام 240 جنية(والله عمار يامصر)اغتسلنا علي مايوصل الطلب وكنت عازمة بيت الجيران علي الغدا المهم تغدينا وحلينا من البسبوسة اللي جابوها لنا بيت جيرانا وشاي كشري وعيشة وانا جالسة بمكاني ما تحركت فدق علي ابو العيال رديت وقلت اخذ المكالمة بغرفتي داخل (علشان اخذ راحتي)حاولت اقوم مااقدر وكان نصفي الاسفل عاجز عن الحركة من شدة الالم وزوجي يقولي سامعتني وانا اصيح المهم علمتة بالسالفة امام الجميع لانة اخترع علي (وكانت فضيحتي بجلاجل امام شعب مصر كلة)كل اللي قاعدين كعكعكعكعكعكعكعكعكعكع وزوجي مع الاسف بالتليفونكعكعكعكعكعكعكعكعوقالي مسوية روحك عنتر شربي عاد (من القهر كان ودي ادفعهم ثمن الحمام) مع الاسف كملت اليوم بالبيت والبركة في (رعد)وما بقي دهن ولاا كريم ما دهنت فية واخذناها شاي كشري وتعشينا جبن وزيتون ومرتديلا من عند البقال القريب من العمارةونمنا جميعا نوم عميق من الالم طبعا خالي اللقاء في اليوم الثالث.................................ونصيحة من يذهب الي الاهرامات تجنبوا(رعد)