تما = فيذا هنا
دابا = توا , زي ما تقول توني وصلت
بالزربا = بسرعة
عامر = مليان , تقال المكان عامر يعني الناس واجد فيه
ورقه حمرا = ورقة الطلاق الله يكفينا شرها
غادي = رايح , غادي نسأل عليك
الدراريه = العيال الصغار
إشكون = من معي
سميتك = وش إسمك
سير = روح
ماشي سوقك = مهوب شغلك
ديالي = حقي , لي
أعيطلك = اناديك
هذي بعض الكلمات اللي اعرفها وانا اخوك وإذا انا غلطان ياجماعه صححوني ترى يمكني فاهمها غلط وقاعد اعك مع العالم من زمان وانا مدري عموما إذا توهقت اقلبها فصحى ولا انجليزي

شكرا لك abu saifعلى جهودك لكن نبغا يالربع زيادة كلمات ارجوكم لاتقصرون عنا وانا بصراحة ابجمع واحفظ كل الكلمات حتى اصير بلبل زيهم باللهجة ديالهم ويستفيد كثير من محبي المغرب فهل من مزيد ؟

أخوي rashed
اخونا Abu Saif ماقصر وجاوب على معنى الكلمات السابقه ، وللمعلوميه فيه موضوع كامل عن اللهجه وضع الأخوان فيه جل الكلمات التي تساعد من اراد الأستفاده من اللهجه ، بس منعا للتكرار
أخوي Abu Saif
حياك الله اخوي في المنتدى ، مشالله عليك عندك خبره ، اتمنا انك تتحفنا هنا بماعندك علشان الجميع يستفيدو ، وانت ايضا راح تستفيد من مشاركات الأخوان ، حلوه (فيذا) عرفنا من وين انت الحين

شكرا اخي abu saif ..
على التوضيح والشرح .
تما = عرفت معناها بالمغربي
لكن فيذا ماني عارفها ممكن تترجمها بالإنجليزي
اخي ولدالدرب ..
حيت انك عرفت abu saif من اي منطقه ممكن تشرح لنا فيذا اش معناها ..
اخي ابو سيف ..
يامرحبا بيك واليوم يوم كبير يوم شفناك بيننا
شكلك راعي ديره ....

عزيزي TMEEM
( فيذا) كلمه شعبيه دارجه في منطقه معينه من وسط المملكة العربية السعودية الحبيبه ، معناها ( هنايا ) ، ولازم علشان تقولها تمط الذال والأف ، علشان تنطقها صح يعني يبيلك تمرن عضلات فكك ولسانك جيدا
:tongue: :tongue: :tongue: :tongue:
وليس كما قال اخويAbu Saif معناها (تما) تما تعني هناك .
أخوي Abu Saif
لا تاخذ علينا لازم نعلم اخونا TMEEM شلون ينطقها صح
وماراح اعلم من وين انت :wink:

اخوي ولد الدرب ..
يعني من النواحي
اخواني ولدالدرب و abu saif ..
في السيف انتما صنوان === و ( فيذا) لكم نطقها يفهم
في الدارجه عندنا ربان === لو جبت كلمه لها مترجم

اخي rashed ..
انا اعرف بلبل تنقال للي يعرف انجليزي , لكن بلبل للمغربي اعتقد ماتجي لان اللهجه عربيه بس خصك شوية تركيز واغلب كلماتها عربيه فصحى ..
اذا تبي تكون بلبل على قولتك الجباسه مالين البلد وعلى اقرب مقهى وبعد المغرب .....
تحياتي لك وللجباسه حيت انهم من المغريب ...

ابو سيف عندك خطاء في بعض الفهم
مثلا كلمة
دابا تقابل في العربية الان
مثلا يقابلك اي مغربي ثم يقولك وشحال في الساعة دابا
يقصد هذا الشخص كم الساعة الان
فانت حاصرتها في مسالة واحدة وهي فعل الوصول او بعض الافعال الملكية
مثل قولتك
دابا = توا , زي ما تقول توني وصلت
اشكرك على مساعدتك للاخوة
وتقبل تحيات محبك
امل ان لايكون تطفلي عليك يعتبر ثقل وامل ان تعتبره شئ من الميانة

العزيز الحادي ..
توحشناك وين الناس وين الغبور ..
نفرح بطلتك ..