السلام عليكم
الصراحة الله يعينكم ....أنا وحدة من الناس اللي تضيع علومي اذا احد طلبني بالاسم
أول شي جزاكم الله خير الجزاء على نصائحكم ومعلوماتكم القيمة اللي انا شخصيا استفدت منها كثير وأحس اني دالة كل خرم بماليزيا والفضل لله اللي أوجدكم بهالمنتدى عشان تساعدوني
دخلي بالموضوع واخلصي علينا
المهم بعد مااستشرت اخوي الشعيبي وأخذت بنصيحته وترتيبه الجميل للسفرة.راح أعرضلكم برنامجنا وأرجوكم اذا في اي تغيير أو تعديل ما تبخلون فيه لان انا على اله ثم عليكم وهذي اول مرة اروح لماليزيا
طبعا للاسف الشديد مالقينا حجز بقولدن هورس وحولونا على فندق ماينز وشرايكم؟ أتم فيه والا أغيره واذا تعرفون مكتب بماليزيا يكون ثقة ويدبرلي دلوني عليه
المدة من 21/8 الى 23/8 ( ماينز)
الذهاب بالطائرة الى لانجاوي والمكوث فيها لمدة يومين في شيراتون بيردانا ( رايكم )
الذهاب بالطائرة الى بينانع والمكوث فيها لمدة 3 ليالي في فندق راسا ساينق وطبعا مالقينا غرفة على البحر وشرايكم أغيره وأروح موتيرا أو غيره شورو علي تكفون
ثم الذهاب الى كاميرون بسيارة ( هذي اللي موداشة مخي وخايفة ان ما نلقى احد يودينا وأتوهق ، فيا ليت تأمنون لي أحد أتفق معاه قبل لا اروح هناك وأتوهق ، وكم السعر والمدة وهل الطريق يدوخ ويخوف والا عادي وشنو افضل اروح بالباص والا سيارة خاصة ( تكسي) . وطبعا السكن في اكواتوريال لمدة يومين
ثم الذهاب بالسيارة الى جنتنغ والمكوث لمدة يومين في فندق جنتنغ .رايكم مع ايضا طريقة ومدة التنقل اذا تكرمتو. وهل الفندق كويس والا اغيره؟والمدةثم الذهاب الى كوالا بسيارة (كم وكيف)
أدري ثقلت عليكم بس اعذروني لان السفرة كلها بوجهي
وين وصلنا ياربي........... ايه كوالالمبور راح نقعد فيها 10 أيام في فندق ريجنت ؟ أغيره والا زين وايهم الافضل ماريوت والا ريجنت لا ن وستن يقولون اللوبي حقه مو مريح وكله بارات ماادري صدق والا تصريفة !
أشكر لكم حسن تعاونكم ... أنواع الرسمية
وان شاء الله في ميزان أعمالكم
ودمتم سالمين وبالايمان غانمين
والسلام عليكم ورحمة الله وبركاته