هلا اخوي ..
نصيحة وعن تجربة اشتري نوفي w255 او w205
السعر رائع وعملي وسهل ...
واذا ودك برقم واحد ثقة يبع هذه الاجهزة ... أبشر .

اخي الكريم ساحدثك بما صنعت وانت وماترى:شفت الاسعار في دار موجة ثم توجهت لموقع امازون
واشتريت الجهاز بسعر ارخص حتى من الموجود في موقع جارمن نفسه.
امر اخر انبهك عليه وهو حاول ان يكون الجهاز LMT ومعناه (Lifetime Map &Traffic) ويعني تحديث مجاني للخرائط والحالة المرورية مدى الحياة. طبعا هذي الميزة تزيد سعر الجهاز.
اضافة خارج الموضوع طبعا الاسعار في دار موجة شي غريب فعلا يعني مثلا الموديل نوفي 1390 lmt اغلى من 1490 العادي (يعني بدون lmt) ومافي في موقعهم 1490 lmt. والسعر طبعا خيال 1390 lmt: ب 2200 ريال.
طبعا وصلني الجهاز بالبريد وكنت اظن انه مايدعم اللغة العربية لاني شاريه من امريكا وماكان يهمني لاني ولله الحمد متمكن من اللغة الانجليزية, لكني فوجئت بانه يدعم اللغة العربية بالكامل. طبعا شريت ذاكرة خارجية وحملت حوالي 5 خرايط مفكوكة من احد مواقع المكشات على النت (ركز على كلمة المكشات) وكانو الاخوان ذاكرين انه في حال تحميل اكثر من خريطيتين الجهاز مايشوفها لكني فوجئت بان الجهاز شايف كل الخرايط وجربت بنفسي ابدل بينها واشتغل بدون اي مشاكل.
بعدها بفترة يسر الله لي زيارة لاوروبا وكانت فرفرة بالسيارة تخيل قطعت في شهر حوالي 8000 كيلو يعني وزرت 12 بلد اوروبي وكان جهازي رفيقي ودليلي ( الله لا يعدمني اياه) وفادتني ميزة lmt حيث انها كانت تجنبني الطرق المزدحمة وتوديني مع طرق مافيها زحمة من دون ما اطلب منها واذا ورطت في زحمة يخبرني الجهاز كم الوقت المتوقع لنهاية الزحمة لا واتذكر مرة وانا على الطريق السريع فوجئت بالجهاز يحذرني من زحمة ومن حادث بمسافة مهي بسيطة لدرجة اني قلت هذا الجهاز مخرف ثم فوجئت بالحادث. اضافة انه مرة قعد يزمر فجعني اثاريني في منطقة اجباري تهدي السرعة وفيها مراقبة.
هذا ما حصل معي عسى ان ينفعك واي استفسار انا في الخدمة
بالتوفيق

هلا فيك اخوي
طيب وش الفرق بين الاثنين اليذكرتهم انت وكم اسعارهم ؟؟
ايضا ايش الفرق بينهم وبين 760 وسعرة لو تدري ،؟؟؟

هلا فيك اخوي
يعني التحديث للخرائط يكون من موقع القارمن نفسه ع طول او ايش ؟؟؟

جربنا القارمن وخرائط النوكيا والله من ناحيتي ارتحت للنوكيا تحديث للخرائط سريع وخرائط مجانية مدى الحياة.وتحمل اي خريطة في العالم. من ناحية القارمن يفضل يكون في الجهاز حرف t مثل مقال خوينا نفرض جهاز 3790 فيه نوعين بحرف t وبدون .

هلا اخوي .. لايوجد فرق .. ولكن الw255 يحتوي على خط وردي ( لون مسار الرحلة )
والw205 لا يوجد ...
والسعر مع خرائط اوروبا واصل الى بيتك بحدود 500 ريال .
0ما اعرف اي شي عنه .

راعي خطوط تسلم اخوي ع الايضاح
اخوي مشرف الحرمين اوكي تمام
لكن هل فيه المميزة الي ذكروها الاخوان فوق lmt

صالح15
بصراحة مش متاكد ... لان جهازي مع واحد الان في فرنسا .ولكن اذا تبي واحد مثل اللي معاي ... فهو ناجح .
ولكن تقدر تحدث الخرائط وذلك بعد تسجيل الجهاز في موقع الشركة

يب ممكن تسئل الرجال الي معاه عن الخاصية هذي
وايضا عن الضمان ؟
وصناعة الجهاز
وشكرا مقدما