1. ::: رحلتي إلى جنة الدنيا سوريا :::

السلام عليكم و رحمه الله و بركاته
صبحكم الله بالخير

::: رحلتي إلى جنة الدنيا سوريا :::

كانت من يوم السبت الموافق 26/04/2008م الى اليوم الخميس وصلنا محطه سابتكو في بريده 01/05/2008م.

• كانت الرحله كالعاده لوحدي.
• الأوضاع هناك 100 % و جميع اللي يتكلمون الناس فيه مو صحيح وانا كنت مسافر لوحدي لدرجه أنه و أنا راجع من سوريا بالباص و ركب معنا ناس من الاردن و السعودية يسألون عن المشاكل اللي تحصل اللي تصير للسعودين هناك و الاشاعات بكل مكان.
• الأجواء خياليه هناك و خصوصا الغوطه يوم الأحد كنت هناك و في بلودان يا ويلي يوم الأثنين تغديت هناك.
• موعد الرحلة كانت يوم السبت حجزت فقط ذهاب على سفريات البسام في بريده تكلفتها 175 ريال ارتفعت بحجت البانزين والزيت ... الخ.
• العوده قصيتها من وكيل النقل الجماعي ( سابتكو ) بسوريا الشركه السوريه للسفريات و السياحه بمبلغ 1175 ليره.
• في منفذ الاردن في الذهاب تم وضعي بالحبس و التحقيق معي 3 ساعات بالذهاب و العوده

خلصنا الموجز نخوش التفاصيل :
من أسبوعين قدمت إجازه أطلع للسوريا لأنه من زمان ما طلعت أخر سفريه كانت راس سنه 2008 بالشتاء و اخذتها الاسبوع اللي فات.
كلمت الشوفير يوم الاربعاء قبل اسافر علشان يزبط الوضع هناك و قصيت تذكرت ذهاب فقط من سفريات البسام لانه متردد مادري كم يوم اجلس و ذلك بسبب الاشاعات اللي انا اسمعها
يوم السبت انطلقت بعد ما جهزت نفسي و الاغراض و حرك الميكروباص من بريده الساعه 3.30 و صلنا سوريا يوم الاحد الساعه 09.00 صباحا.
قبل ما نوصل سوريا كنا بالاردن مسكوني جوازات الاردن مادري شالسالفه على طول بالحجز و تركوني ساعتين لوحدي بعدين دخل علي واحد كتوفه خرابيط نجمات و شرايط و مادري وش بعد و له كرشه و جلس يسال اساله مال أمها داعي وش اسم امك عديناها اوما امك موظفه او جالسه في البيت كخ حصلت معي وانا رايح سوريا و أنا راجع من سوريا بالحبس 3 سااعات نعديها و نتحمل لكاعت الاردن علشان سوريا وه بس.
أيه ننكس للموضوعنا وصلت سوريا الساعه 09.00 صباحا كان بإنتظاري في القدم بساحه الخليجيين الشوففير ابو محمد
و طلعنا علشان نشوف الشقه أو ( السويت ) و يسمونها الضيافة على كلام السورين عجبتني كثير و أخذتها بدون تردد بعد المكاسر أهل بريده اب 5000 ليرة مع الشغاله باليوم 3 ايام = 15000 ليرة بعدين لحالي و جالس 3 ايام ما تسوى اوجع راسي على كم ليره رايح انبسط خ تكفا يالمهم.
صالون + مطبخ + حجرة نوم + الله يكرمكم دوره مياه.
في العباسين دخلت الدفاع المدني عند مغسله أبو جوني ( أبو جوني خلوه على جنب بقولكم سالفته ).
أترككم مع الصور الشقه يسمونها ضيافه معليش مصورها كامره جوال يا ويلي ;)

هذا الباب اللي يفصل بين الشقه الضيافه اللي انا فيها و الفرعوونيه

باقي حجرة النوم بصورها بس حوسه اغراضي منثره و الخدامه ماكانت موجوده خ هي نفس حجرة النوم بالشقه الملكية بس ما في جاكوزي
جنب شقتي الجدار بالجدار شقه ملكيه 100 % صالون كبير + غرفتين نوم وحده منهم فيها جاكوزي + غرفه للمساج، فيه باب يفتح عليها كل شوي داخل عليها ههه بس نسيت اسالهم بكم أجارها بنفس و صف شقتي العباسيين دخلت الدفاع المدني مغسله ابو جوني يسمونها الملكيه و كمان يسمونها ( الفرعونيه ) علشان ديكورها فرعووني والا الجاكوزي بغرفة النوم يا ويلي ;)

الضهر طلعت للغوطه و جلست هناك الضهر الى العصر اريح هناك بعد تعب الطريق و السفر كان الجو هناك روعه أخليكم مع كم صوره على السريع صورتهم

بعدها شريت اغراض و رجعت للشقه و كملت السهره بالشقه. عزمت ابو جوني صاحب المكتب و الشقة الضيافه اللي انا فيها و الفرعوني الي جنبي و شقق كثيره حسب ما سمعت صحيح (مسيحي) بس الرجال محترم و تشرفت أنه قبل دعوتي لانه ما يروح عند أي واحد يعزمه.
بعدها من بكرا الاثنين من الفجر صاحي و اتمشى بالاسواق و افطرت فلافل يم يمي همن طلعنا مضايا و تمشيت بعدين بلودان و ما أدراك ما بلودان الصبح و الضهر تغديت و رجعت العصر و هذي صور منوعه في بلودان من الطريق و المطعم اللي تغديت فيه يا ويلي
بعدها رجعت الى القدم و اتجهت الى وكيل النقل الجماعي في سوريا ( سابتكو ) الشركه السوريه للسفر و السياحه و قصيت تكت عوده يوم الاربعاء و بعدها كملت اشتري اغراض و كملت السهره بالشقه
يوم الثلاثاء يوم حافل سوق * سوق أعشق التسوق بي عرق حريم ههه استمتع بالتسوق بسوريا الحميدية - باب توما - الصالحية - الحمراء كانت ممتعه و روعه جلست اتسوق من الصبح الى المغرب ههه حشا شاري بسطه ههه هدايا للأهل و الإصحاب و الزملاء بعدها رجعت المساء و كملت السهره بالشقة.
و بعدها الاربعاء الساعه 8 فزيت تروشت جمعت اغراضي حوسه ههه يالله امداني على الباص الساعه 10 في القدم وكيل النقل الجماعي وصلت بريده اليوم الخميس الساعه 05.30 صباحا ً
و أنا راجع مسكوني الاردن الجوازات كمان 3 ساعات و تحقيق وراهم علي تهئ تهئ تهئ
بعدها الصدمه الكبيره أول ما دخلت السعوديه غبار الجو من القريات الى أن وصلت بريده الجو غبار* غبار و لسا الغبار موجود
كانت رحله ممتعه كثير مثل الرحلات السابقه و خاصه لما أكون لوحدي و سريع سريع ههه
عكرت الرحله :
1- جوازات الاردن بالذهاب و ايضا العوده.
2- مشكلة الشوفير للحين اعاني منها كل ما رحت اتهاوش انا وواحد.
3- بالسوق من يشووفون خليجي ينشبون بحلقه لا و متى لما يشوفون معه كيسه من أحد المحلات مشتري لا و المشكله لحطن الشنب و السكسوكه و عرفووني ههه.
و حلاه هالرحله:
1- الشقه راحه + أمان + ماحد يزعجك + الشقه روعه او على قولتهم (سويت) ضيافه.
2- الأجواء روعه.
3- النقل الجماعي الشوفيريه سعودين ترتاح لما يكون ابن ديرتك هو اللي يوصلك و يرجعك و يساعدك على المنافذ.
:::: إجمالي تكاليف الرحله من مجاميعه مع 10 ريال راعي الونيت اللي وصلني من محطة النقل الجماعي الى البيت ههه 4500 ريال :::
التكاليف تختلف من شخص الى شخص اخر حسب المصاريف و ... الخ
و تفضلوا بقبول وافر الاحترام و التقدير لكل من تفضل و شاهد الموضوع و ترقبوا رحلتي القادمه بكون فيها لوحدي كمان و سريع سريع ههه