نعم موقع إيرأسيا معقد شوي وعندهم حساسية في قبول بعض البطاقات
نعم يوجد مكتب لهم في مطار كوالا
لكن السعر بيكون عليك غالي جداً
لا أبالغ إن قلت لك الضعف
لذا أنصحك أما أن تستعين بأي أحد يحجز لك ببطاقته وتدفع له
أو عن طريق مكتب هنا يحجز لك
وراجع الخاص بعد شوي بأرسل لك معلومات تفيدك إن شاء الله

الله يعطيك العافيه اخوي
والله مشكله اذا كان الضعف لكن بإذن الله لكل مشكله حل

هل وصلتك رسالتي عالخاص؟

نعم وصلت الف شكر لك
وان شاء الله ابلغك وش يصير معي بإذن الله

اخوي عندي كم سؤال
الحين على اساس مخطط من بينانق الى لنكاوي بيكون السفر بواسطة الفيري هل هو آمن بعد الله سبحانه ومضمون او وسائل السلامه لا توجد فيه
والسؤال الثاني حجزت من بوكينق غرفتين في لنكاوي لاقون بس قريت موضوع لاحد الاعضاء يقول انه لما اخذ الغرفه من موقع بوكينق كانت على البحر بس لما راح هناك اعطوه الحجز مو نفس الي في موقع بوكينق بحجة ان الموقع ما يملك هذا النوع ولا يمكن الحجز فيها عن طريق البوكينق هل صحيح هالكلام
السؤال الثالث انا ان شاء الله ناوي اطلع الكاميرون من سيلانجور مكان السكن الي فهمته انه ايرولاين لهم مكتب بجانب الصن وي عندك خلفيه عن مواعيد رحلاتهم وعن امكانيه توفر مكان على الباص لو حجزت قبلها بليله
اكتفي بهذا القدر وابيك تطول بالك معي عندي كم سؤال غيرها
الف شكر مقدما

حياك الله ياغالي
الإجابات
1. الفيري حقيقة ما أنصحك به ليس من ناحية الأمان هو آمن بإذن الله وتتوفر فيه وسائل السلامة لكن فيه مشاكل أخرى
فهو صغير الحجم وبالتالي مو راسي في البحر فأي موجه تخليه يتمايل وأول مايبدأ يتمايل يبدأ دوار البحر وتعال شوف
أكرمك الله اللي يستفرغون وأيضاً من الداخل مثل ياثات النقل الجماعي عندنا المقاعد قديمة وتعبانة ولا يتوفر بداخله أي خدمة
والشيء الثالث أنه بالذات من بينانج مواعيده غير مناسبة حيث يوجد كل يوم رحلتان كلها في الصباح الأولى الساعة 08:00 والثانية 08:30 صباحاً
وعلشان تلحق رحلة 08:30 لازم على الأقل تخرج من الفندق الساعة 06:30 صباحً وهذا وقت مبكر جداً
لذا نصيحتي تحجز طيران أريح وأسرع 35 د فقط وأنظف
بالنسبة لتغيير الغرف في الفنادق لم يحصل معي شخصياً أبداً ولم أسمع من أحد قبل كذا
لكن ربما صاحبك حصل سوء فهم في الحجز أو شيء من هذا القبيل
ومادام معك وثيقة (الفاوتشر( وموضح فيها نوع الغرفة اللي حاجزها والإطلالة ما يقدرون يغيرونها
بل بالعكس والله في كثير من الأحيان يسوون للزبون ترقية لغرفة أعلى من غرفته مجاناً
لكن العكس مايحصل
اتذكر الآن مرة حصل أن واحد من الشباب كان حاجز في فندق من فترة
وأرسوا له إيميل يخبرونه أن الفندق تم استئجاره بالكامل خلال تلك الفترة لعقد مؤتمر
وخيروه بين إثنين من الفنادق أفخم من فندقه وقالوا له أختر أي واحد ونحول لك حجزك عليه
فالخلاصة أنهم يحترمون الزبون ويهتمون به
فلا تحمل أي هم
وخل أوراقك كلها معاك
موفق إن شاء الله

والله كلام يتأخذ بعين الاعتبار وراح اعيد النظر في الخيارات المتاحه
طيب اخوي حجزي الاول في Pullman Hotel
كم يبعد عن sunway

فى افضل الاحوال 25 دقيقة
سعر المشوار تقريبا 26 ريجنت
لا توجد باصات ايرولاين من سيلانجور الى الكاميرون عليك بالنزول احد المحطتين اما محطة كى سنترال او محطة بودرايا
احجز للباص قبلها بيوم
رحلة موفقة

طيب اخوي دام لا يوجد باصات ايرولاين وش افضل الباصات الي ممكن تطلع من سيلانجور