مرحبا اختي الكريمة
المطلوب من ولي الأمر
صور من حجوزات التذاكر والفنادق + الجوازات
كشف حساب 3 شهور لرب الأسرة
تعريف مصدق من الغرفة التجارية لرب الأسرة
2 صورة ملونة ( ملونة ) لكل شخص
دفع رسوم التأمين على حسب فترة الاقامة ودفع رسوم التأشيرة لكل شخص
وتستغرق 14 يوما من السفارة النمساوية
ويمديكم ان شاء الله اذا قدمتتوا عليها خلال هاليومين
تحياتي

الله يعطيك العافيه اخوي اخر الفرسان لانك جبرت بخاطري
بس هل تقصد تعريف مصدق هو تعريف من العمل واذا كان تعريف من العمل انا كمان موظفه هل يطالبوني بتعريف وهل لازم يكون مصدق من الغرفه التجاريه
وبالنسبه للتأمين من وين اطلعه
والصوره الملونه تكون مكشوفة الراس او عادي بالشماغ
شاكرة تعاونك

مجنونة سفر
سلام عليكم .... انا اوضح لك الطلبات
تعريف العمل... لرب الاسرة فقط اذا موظف او معلم ياخذ التعريف لمكتب ترجمه معتمد ويترجمونه ويختمون عليه ختم المكتب بس ومو لازم تصديق من جهة العمل (التصديق من الغرفة التجاريه لااصحاب المؤسسات او الشركات..)
الصور عادي بشماغ (السفارة البريطانيه فقط هي اللي تطلب بدون شماغ وخلفية بيضاء)
التامين من الشركة التعاونية اي فرع (يطلبون صور الجوازات فقط)
كشف الحساب لرب الاسرة فقط لاخر 3 شهور (يكون باللغة الانجليزية.... ويفضل ان لايقل الرصيد عن 10 ألأف )
بالاضافة الى صور التذاكر - فوتشرات السكن - 2 صورة لكل فرد بيسافر غير رب الاسرة - الجوازات الاصلية - رسوم التاشيرة
انا قدمت هذي الطلبات كامله لمكتب سفريات وطلعها لي في 15 يوم
وتروحون وترجعون بالسلامه ان شاء الله

توي مستلم التاشيره من السفاره اليونانيه(التشنغل)
بصراحه عن طريق مكتب سياحي وما أخذت مني 9 أيام
وبعد ساعات بطير للنمسا
وكل المطلوب تعريف من العمل+كشف حساب من البنك 3 اشهر(والكشف اللي جبته لهم كان اخر حساب فيه 200ريال لان حسابي في بنك ثاني بس هذا اقرب +صورتين و610 لكل جواز للمكتب شامله فلوس التاشيره
والصور هي نفس صور الجواز يعني اخذت الجواز لمحل تصوير وقلت له ابي تنسخ لي هالصوره ودقايق وهي جاهزه
والتامين ما طلبوه مني......؟؟؟؟
يمكن المعقب حق المكتب ضبطه او الفلوس اللي اندفعت شامله التامين
وهذا هو المكتب اللي سويت عنده الفيزا العام الماضي بس كانت من الالمانيه
بس على كلامه اليونانيه اسهل اجراءات

اضافه
زوجتي معاي مالها لا تعريف ولا كشف حساب بس رب الاسره
يعني معاك ولي امرك هو اللي يجيب الاوراق المطلوبه
وضافه اخرى ما قصيت التذاكر الا بعد اصدار التاشيره
وما سويت حجوزات الفنادق الا اليوم عن طريق النت
وما سويت الترجمه للتعريف
واخذت التاشيره بعد 9 ايام من تسليمها
يعني هالاشياء ما طلبت مني
يعني كل سفاره لها طلبات خاصه تختلف عن الثاني
وكل مكتب سياحه بشطارة معقبيه
وانتي مو ملزومه تصدرين التاشيره من نفس الدوله اللي بتروحين لها
المهم فيزا شنغل وبس
================
موضوعي للفائده فقط
لاني يعلم الله استفدت من هذا المنتدى الشي الكثير
عند سفري لشهر العسل العام الماضي
وبس

الله يعطيكم العافيه
mm2 , booooode
بصراحه ماقصرتوا كفيتوا ووفيتوا الهي مايحرمني من هالمنتدى اللي انقذني
وفعلا فكرة اني اطلع التأشيره من السفاره اليونانيه مره حلوه لان ماعندي وقت بس تمشي الفيزا هناك يعني مافيه مشاكل على مسؤوليتكم افيدوني

اختي الكريمة مجنونة سفر اعتذر عن التأخر في الرد واتقدم بجزيل الشكر للأخوة الاكارم اعلاه - علماً ان السفارة النمساوية اكثر السفارات تأخراً في اصدار التأشيرات وارجو ان تتأكدو تماماً من مسألة التأمين
تحياتي

يعطيك العافية اخوي اخر الفرسان ماقصرت يكفي انك اول واحد رد علي.............. شاكره لكم
بس اكيد اي سفاره مو مشكله وماهي اسرع السفارات باستخراج التأشير وايش اقول لما اروح مثلا للسفاره اليونانيه
اقولهم ابي فيزا علشان اروح النمسا او ايش

انا الان من النمسا (فيينا) بعد كم يوم راجع
راجعي بنفسك السفاره او عن طريق مكاتب سياحيه
انا دخلت بالتاشيره اليونانيه
انا وزوجتي
عموماً اذا عند اي استفسار انا حاضر
واعذريني الايام اللي فاتت ما كان عندي وقت للنت
مابين سالزبورج وميونخ