الذيب الشمالي
05-12-2022 - 03:53 pm
يا هلا ومرحبا كل(ن) بإسمه
هذي طلعة من طلعاتي الصباحية الوحدانية
بس فطوري اليوم غير بكنهة غير وطريقة غير ونهايته غير
الفطور فول بس بطريقة اهل الشام الكرام
اصبحنا واصبح الملك لله
بس وكالعادة لابد وإجباري من القهوة
بعد قهوتنا العربية خلوني امخمخ على فنجالين قهوة تركية عشان اعرف إشتغل وإلا ترى اخربط واحرق عليكم الفول ههه
بس خلوني افوح الشاي قبل ابدأ بالشغل
هو شاي بس مو اي شاي
شاي مشيح بالشيح
ايوه
بدأ الشغل بعد ما صحصحت من قهوتنا العربية ومخمخت على القهوة التركية ههه
الفول والحمص صفيتهن من الماء اللي فيهن
قطعت البصلات
المقلاية على الجمر واكيد فيها زيت الزيتون الأصلي
طشيت البصلات بالمقلاية
هذي ثومات صغيرات ومرتبات وطبعا أطعم وألذ
بس ما راح تلاقونها بالسوق لأن الصعيدي اللي يزرعهن مهتم فيهن بزيادة لأنه يبيع الثوم ويحط حقهن بجيبته
البندورة
بعد ما يحمر البصل نسدح نص البندورة ونخلي الباقي
بس تذبل البندورة نطش الفول طشة حنينة
خلوني اقطع البقدونس واللي تقريبا ما يفارقني بأكثر الطبخات
وهذي البهارات والمطيبات
ملح وفلفل وكزبرة والأهم هو الكمون
كم نقطة ماء
وممكن نص ليمونة بس صورتها ضاعت
وبكذا يكون الفول قد استوى نشيله بس ما نبعده عن النار
وبمقلاية ثانية نحط شوية زيت ثم الحمص بس تسخين مو اكثر
الفول بالطريقة والنكهة الشامية
وألحين جاء وقت التطبيق وترتيب الشغل فوق بعض
نسكب الفولات
لكن تدرون وش هو الأهم
الثومات لا تضيع
ثم نوزع الحمص داير ما يدور يا دوار
وممكن مع الحمص نضيف البقدونس بالمقلاية او نحطهن فوق بعض
ثم نسدح باقي البندورة فوقهن
ونرش شوية بقدونس فوق الكل
وألحين جاء دور ألذ وأطيب شيء واللي يعطي للأكل نكهة وطعم غير
زيت الزيتون
ثم الطحينة الشامية السايلة
يا ان طعمها على الفول يدوخ
ولابد من تسخين الخبز
وهذي سفرة فطوري
والحمد لله الذي اطعمني وسقاني هذا من غير حول مني ولا قوة
جاء وقتك ما بها كلام
كاسة الشاي المخدرة
اتمنى يعجبكم ودمتم سالمين